Victoria Kaapanda
ONGWEDIVA-Omaudhano gokoonyala taga ithanwa Namibia School Individual Chess Championship 2020 (NSICC) taga ka gandja ompito kaadhani aasindani okuya koNairobi, Kenya momasiku 14-22 gaDesemba nuumvo.
Omawudhano ngaka otaga ka kala ko ngula, Olyomakaya pehala ta li ithanwa Multipurpose Centre mOngwediva oku za potundi 08h00 yongula. Omukwateli komeho gwomawudhano ngaka kohi yehangano lyoNamibia Chess Federation Boas Mweendeleli, ndjoka lya eta po uudhano mbuka okwa ti uudhano owa mangulukila oosikola adhihe dhepangelo nodhopawumwene monooli ayihe.
“Uudhano mbuka owa mangulukila aakadhona namati aanasikola. Aasindani ye li yatatu mboka taya ka sindana molwetho lwotango muudhano mboka wuli ko ngula, otaya ka pewa omagano yo otaya ka tsikila oku ka kutha ombinga molwetho olutiyali ndoka talu ka kala ko momasiku 16-17 Mei nuumvo mOvenduka,” Mweendeleli ta ti ngaaka. Mweendeleli ta ti aasindani dhingi ye li yatatu, taya ka sindana mudhano mboka mOvenduka oyo nee taya ka mona ompito yokukadhana lwahugunina koKenya muDesemba nuumvo. Kehe ngoka a hala oku kutha ombinga na nyole okatumwalaka okahupu ke na edhina lye alihe, esiku lyevalo nosikola mpoka ha hiti, eta tumu konomola 081 281 1437.
Okukutha ombinga muudhano mbuka, kehe omulongwa okwa tegelela a ishangithe N$30. Uudhano kehe otawu ka kala wu na omalweetho ge li ga heyali.
Aasindani aanelago mboka taya tothwa mo, ye li yatatu mboka taya kamona ompito yokuya koKenya otaya pewa omagano omawanawa kaakuna we.