OTJIWARONGO– Uupulakata mboka wu li utatu wu na edhina lyondjayi yiita yaNdowishi Lothar von Trotha, owa li wa hanagulwa po oshiwike shika mOtiwarongo. 
Epandaanda ndika lyuule woometa 840 lyi li moExtension 5 olya li lya lukwa Von Throta manga Namibia inaa manguluka. 
Aantu oyendji inaya kala yu uvitile edhina ndika nawa oshoka von Trotha oye a li kakukutu komatanga pethimbo lyomadhipago gaa na ondjoolola gopokati koomvula 1904-1908, moka Aanama nAaherero omayovi ya li ya dhipagwa. Omupopiliko gwaMuni gwaTjiwarongo Adelheid Shilongo moonkundathana noNampa mEtiyali okwa ti kutya muni gwaTjiwarongo ke shi ngoka a hanagula po uupulakata mboka.
-Nampa