Windhoek-Omphangu yopombanda yaVenduka oya kaleke aalumentu yaheyali mboka yali ya kwatwa po shinasha nokulunga iitapula moshikonga shoohi ongula yEtine lyoshiwike shika.
Mbaka oyo Bernhard Esau (61), Sacky Shanghala (42) James Hatuikulipi (44), Ricardo Gustavo (44), Tamson ‘Fitty’ Hatuikulipi (38) Pius ‘Taxa’ Mwatelulo (31) 

Aalumentu mboka oyali ya holoka mompangu oshikando oshititatu konima sho ya kwatwa po omvula ya zi ko ko olutu ndoka halu ungaunga noku konaakona iipotha yokulunga iityapula moshilongo Anti- Corruption Commision (ACC).

Oshiwike shika oyali ya holoka opo ya uve ngele otaya pewa omboloha, ya ze mo mokakuma moka ya ningi oomweedhi nenge pamwe otaya kala ashike meni moka. Ihe oyali ya lombwelwa kutya otaya kala natango meno oshoka oshipotha shawo ngashingeyi osha undulilwa komeho komweedhi April omanga omakonaakono taga tsikile natango.