• August 4th, 2020
Login / Register

A dhipaga yinagona, ta hahala mushiinda nekatana


Victoria Kaapanda

ONGWEDIVA - Opolisi moshitopolwa shaHangwena oya manga po omulumentu gwomimvo 29, ngoka a dhipaga yinagona nokuhahala omushiinda nomakatana momukunda Omunyekadi-Ondobe.
Otaku hokololwa kutya omulumentu ngoka okwa li a tondoka po konima yoshiningwanima shika, nokwa ka adhika kopolisi komukunda Onamahoka ohela komatango.
Ota ku hokololwa nakuninga omuyonena nguka kutya oku na uunkundi womomutse, ano omuntu gwandohotola. 
Omupehakuluntu gwopolisi moshitopolwa shaHangwena Zacharia Amakali okwa ti oshiningwanima osha holoka lwopotundi 17h00 yokomatango mOmaandaha moshitopolwa shaHangwena.
“Otaku hokololwa kutya omulumentu ngoka okwa li a adhika mondunda ye yokulala kuyina omumwayina gwayina oshowo omushiinda, a adhika e na onyama yoshikombo kohi yombete ye. Otaku tiwa, omulumentu ngoka okwa li a ponekele mbaka, sho a li a pulwa mpoka a kutha onyama,” Amakali ta ti ngaaka.
Ta ti, oshikombo shoka sha dhipagwa inashi za megumbo lyawo, oshoka kakwa li ya kanitha oshikombo nando oshimwe, ashike okwa li ya kwatwa kuumbanda kutya omufekelwa oku na okukala e shi yaka momukunda.
Ta gwedha po ta ti, omufekelwa ngoka okwa dhipaga yinagona e ta si ethimbo olyo ndyoka, e ta monitha mushiinda shawo oshiponga sho e mu tetagula iikando oyindji momutse nekatana, nangashiingeyi oku li ta mono uuhaku moshipangelo mEenhana.
Nakufaalelwa koshiponokela shika oye Olivia Ndateelela Teofelus, 40, naapambele ye oya tseyithilwa.


Victoria Kaapanda
2020-07-22 14:18:23 12 days ago

Be the first to post a comment...