• November 19th, 2019
Login / Register

A hala ofamili ye yi idhimine po


WINDHOEK – Omulumentu ngoka aakuluntu ye yi itaalela moshipotha tashi uvika mompangulilo yaMangestrata yaNdangwa okwa li a pula ofamili yi tule po ombili.

He yaDavid Kalumbu okwa li a tindilwa obooloha mompngu yopombanda, sha landula ekwatepo lye shi na sha noshipotha sheponokelo pamukalo gokuninga omatilitho, moka anuwa mwa kwatelwa okuninga omambandameko gokudhipaga omukulukadhi gwe Magdalena Israel. David ota pataneke shoka sha li sha shangwa miifo iiwike ya piti, sho kwa li kwa lopotwa kutya Fillipus okwa kala nokumona iihuna momake gomukulukadhi gwe noyana.

David ta ti ndhoka kadhi shi dhoshili, nokwa lombwele oshikundaneki shika kutya ye, aamwayina nayina kaye li ompinge nahe a pewe ombooloha, ashike okwa hala omahepeko taga ningilwa yina ga hulepo.
“Meme okwa mona iihuna oomvula adhihe ndhoka. Okwa monithwa iihuna palutu nopamadhilaadhilo uule woomvula 38. Ngashiingeyi oku na omukanda ngoka tagu ngambeke omusamane kaa hedhe popepi naye, ashike okwa kala noku gu teya.” David ta fatulula ngaaka.

Oshiwike sha za ko New Era okwa li a lopota kutya Fillipus okwa thiga po egumbo lyawo lyondjokana noha zi naakwanezimo okuza mo2018, sha landula sho yi ipumu mumwe nomukadhi noyana.
Aanona mbaka yatatu-Magrieda Kalumbu, Liina Kalumbu naSunday Kalumbu oya li ya tulilwa mo oshipotha shokuehameka omuntu kolutu sho ya li anuwa ya ehameke he omumvogali. Mbaka yatatu oya za mo kombooloha.

Mbaka oya li ya tulile mo he oshipotha  sheponokelo. Fillipus okwa li a tulwa miipandeko manga a adhika ta tungu egumbo lye popepi naandyoka ya kala mulyo nomukadhi noyana, etokolo ndyoka a ningi konima sho yi inika komilungu namwene gwomukunda.
Oshipotha she otashi ka tsikila mEtitano ndika mompangu yaMangestrata yaNdangwa.
 


Staff Reporter
2019-10-30 08:10:53 20 days ago

Be the first to post a comment...

You might also like...