• December 5th, 2020
Login / Register

A kwata omulumentu omukwawo koonkondo


Omulumentu gwomimvo 45, anuwa okwa kwata omulumentu omukwawo koonkondo gwomimvo 31, ngoka taku hokolwa kutya oku na uunkundi wopamadhiladhilo.

Oshiningwanima shika osha ningilwa momukunda Okapya–Kambidhi moshitopolwa shaMusati.
Omukuluntu gwopolisi moshitopolwa Omusati Titus Shikongo okwa ti, oshiningwanima shoka osha holoka ethimbo lyomutenya mOmaandaha gwoshiwike shika momudhingoloko gwaGongo. “Otaku hokololwa kutya aalumentu mboka aashinda. Omufekelwa moshiningwanima shika okwa li a ka tala omulumentu ngoka taku ti oku na uunkundi wopamadhiladhilo kaandjawo, e ta yi naye kaandjawo hoka e ke mu kwatela koonkondo,” Shikongo ta ti ngaaka. Shikongo ta ti, ngoka a ningilwa omuyonena osha yela kutya inashi za kehalo lye, omolwuunkundi wopamadhiladhilo, onkene ita vulu okugandja a gandje epitikilo.

Okwa mangwa po kopolisi, nomakonakono gopolisi otaga tsikile
Moshiningwanima inaashi faathana omulumentu gwomimvo 51 okwa imangeleke nongodhi yonayilona mondunda ye yokulala konima anuwa sho a dhenge  kuume ke komiihole  nokamwayinakadhona. Shika osha ningwa mEtiyali momukunda Omatwadiva.
Shikongo ta ti, oshiningwanima shoka osha holoka lwo potundi 08h00 yongula momudhingoloko gwaKalongo moshitopolwa shaMusati.
“Otaku hokololwa kutya omulumentu ngoka okwa li aadhenge aakiintu mboka yaali, ete teya ehameke kashona,” Shikongo a popi ngaaka.
Ta ti, aakiintu mboka okwa li ya matukile megumbo lyopushiinda mpoka ya kalala uusiku mboka ya dhengwa. 
Ongula anuwa sho ya galuka kegumbo oya adha olutu lwomulumentu ngoka moombuli dhondunda ye. Ina thiga a shanga sha tashi holoka kuta oshike sha eta opo a ikuthe omwenyo. . 


Victoria Kaapanda
2020-10-29 07:53:32 1 months ago

Be the first to post a comment...