• July 14th, 2020
Login / Register

A kwatwa nepangwe niimaliwa yiikengelela


WINDHOEK- Opolisi yomoshitopolwa shaMusati oya ti kutya itayi thigi emanya lya londa kekwawo ngele tashi ya pokulwitha iimbuluma sho ya tula miipandeko omulumentu gwepipi lyopokati sho a adhika e na iingangamithi ya ngambekwa.

Oshiningwanima shika osha ningwa mOlyomakaya ga zi ko, sha ningilwa nduno pomukunda gwedhina Omahenene, moshikandjohogololo shaNesi moshitopolwa shaMusati.

Omupopiliko gwopolisi moshitopolwa omo tuu moka Inspector Lineekela Shikongo okwa hokolola kutya  omunamimvo 30 okwa li a adhika nomapangwe  gwondjundo yoograma 690 ngoka ge na ongushu yoshimaliwa  shi thike pooN$6 900.

 Shikongo okwa ti kutya omugundjuka oye tuu ngoka okwa adhika woo niimaliwa yaNamibia yoshikengelela, N$400.  Okwa ti kutya  ayihe mbyoka sho nduno ongushu yawo ya tulwa kumwe oya adha nduno pomwaalu gwooN$7 300. Omutamanekwa moshipotha shoka ngoka e li ngashingeyi mondholongo okwa yona ompango yi li kohi yokatendo okatiyali (a), act 41/1971 ndjoka  tayi  ithanwa taku ti  okulonga niinima ya ngambekwa ngaashi okumuna iingangamithi.

 Nolutiyali okwa yona okatendo 25 kombaanga (Act 15/1977) hoka taka ungaunga niimaliwa yoshikengelela moshilongo. Shikongo okwa ti kutya omutamanekwa ngoka oku li omvalele yaNamibia, nokwa putuka omukalimo gwomomukunda Oshadjamwenyo, mondoolopa yaRuacana.


Loide Jason
2019-08-29 07:29:22 10 months ago

Be the first to post a comment...

You might also like...