• May 31st, 2020
Login / Register

A monithwa oshiponga kukuume ke


Omulumentu omugundjuka lela okuli moshipangelo shaShakati ta kondjole omwenyo gwe sho a monithwa oshiponga mokutsuwa nombele kumukwawo ngoka a kala nokuhindathana naye omathimbo ga yooloka. Uuyelele wa gandjwa komugandjimulombo gwopevi mopolisi yomoshitopolwa shaMusati, oshiningwanima osha ningwa uusiku wolyomakaya polukanda lwedhina  Oshaanda  momukunda gwedhina Eendobe  moshikandjohogololo shaGongo.

 Kunga okwa hokolola kutya aalumentu mbakka oya hokololwa  haya shindathana olundji na oya kala yiinena onkone sho osho  nduno aniwa molyomakaya ya lwithathana polukanda ndoka sigo gumwe amono  oshiponga. 

Ngoka a mono oshiponga okwali a tsuwa nombele  lumwe aluke moombati pevi  dhokolulyo nombele yokapi. 
Okwati kutya omulumentu gwomimvo omilongo 26 okwali a ehama unene eta fala meendelelo koshipangelo shaShakati  hoka eli sigo onena ta mono omakwatho gupuunamiti. 

Nakutsa mukwawo nombele ngoka woo naye omulumentu omugundjuka lela okwali aniwa a mangwa po kopolisi pethimbo ashike ndyoka sho nakweehamekwa a tsalwa koshipangelo.
“ Ngoka okwa holoka nale mompangu yamagestrata mOkahao na  okwa pewa omboloha yoshimaliwa shithike N$1000. Ndjoka a futa nale na okuli kondje,” osho Kunga a hokolola ngaaka.

Okwati kutya uuyelele woshipotha shoka wothaathaa kali ewuna pethimbo ndyoka oshoka epeko olyali natango lili kohofa ethimbo ndyoka Kunga a popi na Kundana.
Ashike okwa koleke kuKundana kutya omulumentu ngoka eli moshipangelo okuli monkalo tayi nuwa omeya , na otayi eta omukumo kutya otaka kala nawa.
 


Loide Jason
2020-03-10 10:24:53 2 months ago

Be the first to post a comment...