• July 14th, 2020
Login / Register

A pewa egeelo lyondholongo yaaluhe


Victoria Kaapanda

ONGWEDIVA-Simon Nambuli 38 ngoka a kala omufekelwa mekwato koondo lyomukulupe momumvo 2010, okwa pewa egelo lya aluhe mondjedhililo, sho ali a monika ondjo miipotha ihetatu mwa kwatelwa itano yekwato koonkondo.

Omupanguli Johanna Salionga okwali ishewe a gwedha ko kegeelo lyonkalamwenyo mondjendililo, omimvo 75 molwa ekwato koonkondo oshowo lyomimvo ne, molwa emonitho lyiihuna. Etokolo ndika olya ningwa ohela mompangu yopombanda ymOshakati.

Omiyonena ndhoka odha li sha ningilwa momukunda guli popepi nOshitambi moshitopolwa shaEnhana, oku za momasiku 05-08 Juli 2010.

Otaku hokoloklwa kutya omukulupe gwe dhina Vistorina Beatha Mathias ngoka aniwa ena uulema, iha vulu oku enda oha kwathelwa ashike kokatemba, okwali a kwatwa koonkondo ku Nambuli omasiku ga landulathana noku mudhenga. Okwa kala te mu ningile omatilitho kutya ote mu dhipaga ngele okwe shi popi na aluhe ta yi naye miihulo oha kala atula ombele pooha dhe ta ti ngele okwa ningi ekudhilo lyasha ote mu dhipaga.

Mathias ngoka iha vulu okweenda oha kala ashike mombende no ngele a zimo shapo ongele ta kokaya, okwa kala mo mahepeko goku kwatwa onkonga omasiku galandulathana, komulumentu ngoka ali a dhidhilikwa onge omushinda shawo no nando a kala a shiwika kutya okwa nika oshiponga moshitopolwa.
Otaku hokololwa kutya Nambuli okwa kala ha iya kale mondunda yomukulupe sigo a ka longitha oonkondo a teye po omwelo gondunda yomukulupe sho esiku lya hugunina ali atindi oku umu egulula, noku mulongela omiyonena dhili ngaaka

Salionga okwa li afatulula kutya ngele Nambuli ina nyanyukilwa egeelo ndoka a pewa kompangu, okuna uuthemba oku gandja omanyenyeto ge opo omagelo ge ga talululwe.
Epangelo okwali lya kalelwapo koomwadivokate Johan 
Pienaar.
 


Staff Reporter
2019-09-20 08:56:11 9 months ago

Be the first to post a comment...