• May 31st, 2020
Login / Register

A tetagulwa nekuya koombudhi


Victoria Kaapanda 

ONGWEDIVA - Omunamimvo 58, oku li ta kondjo nomwenyo mOshipangelo shaShakati sho a li a tetagulwa iikando itatu momutse nekuya koombudhi okupendukila Etiyali momukunda Oshinyadhila.

Omupopiliko gwopolisi moshitopolwa shaShana Thomas Aiyambo okwa ti oshiningwanima osha holoka pokati kuusiku wOmaandaha nEtiyali potundi inayi tseyika nawa.

“Otaku hokololwa kutya omulumentu ngoka okwa li a adhika konima yokandingosho hoka ka teywa koombudhi, e li mondombe yombinzi ongula yEtiyali potundi 08h00.  Aniwa okwa li  a monika komukiintu gumwe ngoka a li e ya okutala ondingosho yaandjawo ongula ndjoka,” Aiyambo ta ti ngaaka.

Ta hokolola ta ti omulumentu ngoka okwa li a ponokelwa koombudhi sho kwa li ta piti pokandingosho hoka ka teywa ethimbo ndyoka kwa li ta zi kOshakati molukanda Okandoolopa moshitopolwa shaShana.

Konima aakwashigwana sho ya li ya landula oompadhi dhaamboka ya teya ondingosho, oy ali ya adha ekuya ndyoka lya tetithwa omulumentu ngoka lyi li kohi yomano.

Sigo onene kape na ngoka a kwatwa nopolisi otayi indile moshigwana ngoka e shi mboka ya longo iikumithalonga mbyoka a lopote kopolisi yopopepi naye.


Staff Reporter
2019-12-06 09:35:46 5 months ago

Be the first to post a comment...