• December 5th, 2020
Login / Register

A tuwa neembele noku nyekwa ohauto 


Omutoolinghundana

Omulumenhu omunamido 26 okwa tuwa neembele nokunyekwa oimaliwa nohauto yaye.Oshiningwanima eshi osha ningwa konguloshi yEtitatu mOndangwa lwopotundi 22h00. 

Otaku hokololwa omulumenhu wedina Simon Panduleni Shipanga omukalimo womomukunda Ontanga mOshitayi mOndangwa, a li ta shingi ohauto yaye yoToyota Corolla yoluvala limbulau yonomola N19065ND, a yuka pOmatala opOluno mOndangwa, eshi a hanga ongudu youmatyona vahamano ve li  ofika mopate.

Eshi a fikama noku va pula kutya omolwashike va fikama mopate, oumatyoka vati ove mu mbulukutila nokunyeka mo okaUSB kaye keengalo moradio.

Okwa fikameka otuwa, e ke va pule va alule okaUSB kaye, ashike oumatyona vati ove mu ponokela vali ndele tave mu tu neembele mombuda noku mu nyeka oshimaliwa shoN$450.

Eshi a ka papuduka po, ohauto yaye nayo oya ya. Mohauto mo omwali mu na oshimaliwa shoN$800.
Omulumenhu ou vati okwa hokololela opolifi kutya ke shi naanaa ngeenge ohauto yaye oya shingwa po koumatyona ovo ve mu twa neembele ile pamwe oya kufwa po komunhu umwe e lili. 
Ohauto oyo oi na ongushu yoN$70 000.

Omupopiliko wopolifi moshitukulwa shaShana Inspector Thomas Aiyambo okwa koleka oshinima eshi ta ti fiyo opapa kape na eshi sha monika po, nomakonaakono opolifi moshinima eshi otaa twikile. 
Aiyambo ta ti, omulumenhu ou ina ya koshipangelo shaashi oipute oyo a tuwa ina i ya moule. 
 


Staff Reporter
2020-11-20 09:30:05 15 days ago

Be the first to post a comment...

You might also like...