• December 5th, 2020
Login / Register

Aachina mOndangwa ya gandja iikulya kwaamboka ye li mompumbwe



ONGWEDIVA - Aanangeshefa yAachiina mOndangwa  oya gandja iikulya kelelo lyondoolopa yaNdangwa, omagano ngaka oga nuninwa aakwashigwana mboka ye li unene mompumbwe  moshitopolwa shaNdangwa.
Iikulya ayihe kumwe oyongushu N$40 000, moka mu na omagadhi gokulya, uusila, oosuka oshowo omakoloni.
Omukalelipo mehangano lyAachina mOndangwa Jiang Bo okwa ti iikulya mbyoka oya nuninwa omagumbo ge li 150 gaakokele ngoka ge li unene mompumbwe noga kanitha iiyemo omolwa Covid-19.

“Egandjo ndika lyiikulya kaakwashigwana yomOndangwa, okugandja oshiholelwa oshiwanawa shukuume pokati kaChiina noshigwana omolwonkalo nuupyakadhi womukithi nguka gwa iteyela moshigwana,” Bo ta ti ngaaka.
Okwa gwedha po ta ti nonande oongeshefa otadhi ende tadhi shongola pethimbo ndika lyomukithi gwoCovid-19, oye na okukondja nokukwathela mpoka taya vulu, oshoka ope na mboka itaaya vulu nando nando omolwa ekanitho lyiiyemo.
Bo okwa gwedha po ta ti oye na omukumo nehalo lyokukwathela oshoka Namibia egumbo lyawo etiyali, noye li onga omuntu namumwayina.
Okwa tseyitha kutya iikulya mbika okwa li ya landwa niimaliwa ya gwandjwa kukehe Omuchina e li mOndangwa, omolwonkalo ya li ya mono tayi dhengele kwaamboka ya shunithwa monima  komukithi ngoka.

Bo okwa gwedhap o ta ti egandjo ndika inali hulila ashike mOndangwa, ashike otaya tsikile okugandja iikulya moondoolopa dha yooloka, ta ti oshiwike tashi ya oya uka kOshakati nOngwediva.
Ngoloneya gwoshitopolwa shaShana Elia Irimari okwa ti shika oshikando oshitiyali momwedhi muka ta tambula iikulya yaamboka ya kanitha iiyemo omolwomkithi gwoCovid-19, sho omagumbo ge li 200 ga li natango ga topolelwa iikulya komunageshefa gumwe gomOndangwa.
“Shika otashi ulike nkene Aachina ye na olukeno naakwashigwana. Ta ti shoka ya gandja moshigwana oshiningwanima oshinene nosha simana oshoka aantu mboka oyo haya sapota oongeshefa dhawo,” Irimari a popi ngaaka.
Okwa gwedha po nekumagidho ta ti, shika inashi hulila mpaka ihe nash ikale oshiholelwa sha kehe gumwe, a vule okuya mondjato nokuyambidhidha naashoka ta vulu.
Oshigwana osha pumbwa omakwatho ogendji, unene ethimbo ndika lyomukithi nguka.


Victoria Kaapanda
2020-06-17 09:17:38 5 months ago

1 Comments

  1. User
    Lisa Morata

    Dr Olori Traditional Herbal Therapy is the best to treat Herpes virus, I have had herpes for 12 years now and I have tried so many ways to get rid of herpes totally but to know avail but I kept on searching. Couple weeks ago I came across a review about Dr Olori herbs, it was quite convincing because I believe in natural herbs for healing as I have been a vegan for a couple years now. So I decided to give it a try, I am overwhelmed with joy as I am totally free from herpes so I decided to share among others. You can get in touch with Dr Olori via email: droloriherbalcenter@gmail.com, call/Whatsapp +2348110492548. He does have herbs for Other ailments such as   Hpv, Diabetes, Hepatitis, Cervical Cancer. You can place your order on his website: https://dr-olori-traditional-healng-herbs.weeblysite.com/ .///

You might also like...