• July 8th, 2020
Login / Register

Aadhani yochess konooli oyuuka koWindhoek



Victoria Kaapanda
    
ONGWEDIVA-Aalongwa ye li 33 ya za koosikola dha yooloka monooli mboka ye shi enditha nawa muudhano wokoonyala tawu ithanwa “Chess” otaya ka kutha ombinga muudhano ta wu ka tsikile koWindhoek momasiku 16-17 Mei nuumvo.

Uudhano mboka tawu ithanwa Namibia School Individual Chess Championship (NSICC) owa li wa dhanwa Olyomakaya ya zi ko pehala tali ithanwa Multi-Purpose Centre mOngwediva.
Boas Mweendeleli omuwiliki nomukwateli komeho okwa ti aalongwa mboka kwa li ye shi pondola oku ka tsikila uudhano mboka kOvenduka, oye li moongundu dhoomvula moka mu ehe mwa zi aasindani ye li yatatu nonando moongundu dhimwe mwa zi ye li yaali.

“Uudhano mbuka okwa li wa patulikila oosikola aadhihe dhomonoli, okutameka kongundu yotango sigo oyahugunina. Mboka taya ke shi enditha nawa molweetho olutiyali ndoka lu li kOvenduka muMai, otaya ka tsikila lwahugunina koKenya, hoka ya longekidhilwa omagano omawanawa kaaku na we,” Mweendeleli ta ti ngaaka.

Uudhano mbuka okwa li wa totwa po oomvula dhi li ine dha pita. Uudhano mbuka unene owa kala hawu kuthwa ombinga koosikola dhopawumwene shi vulithe oosikola dhepangelo, ashike nuumvo oosikola dhomonooli odhindji odha li  dha kutha ombinga lela.
Oosikola ndhoka mwa zi aasindani odho; Gabriel Taapopi SS, Ekwafo SS, Okatana SS, Etosha SS, Cabatana Pvt S, Chris Junior Pvt S, ST Francis PS ,Charles Anderson CS, Vision Pvt S, Ongwediva Control CS, Mauritz Devenish Pvt S, Liberty Heritage Pvt S oshowo JP Kandombo PS .  
 


Staff Reporter
2020-02-26 08:22:55 4 months ago

Be the first to post a comment...