• February 27th, 2020
Login / Register

Aafekelwa mo kufika noku dhipaga okanona kadhona ya mangwa



Selma Iikela 

WINDHOEK- Aazimbabwe yaali mboka taya fekelwa moshiningwanima oshinene shinyanyalitha shokanona ko kakadhona hoka ka dhipagwa nokufikwa kalungwina oya hokololwa ya mangwa sho ya a dhika moshikandjohololo shaTjozondjupa komatango gwohela.
Omuluntupopiliko gwopolisi moshilongo Deputy Commisioner Kauna Shikwambi okwa kwashilipaleke kutya mboka oya mangwa sho ya adhika taya tanauka yuuka kondoolopa yedhina Okaakarara moshitopolwa omo tuu moka.
Mbaka oya hokololwa kutya olutu lwomukadhona tafekelwa ena omimvo 10 nenge 11 okwa dhipagwa eta fikwa sigo olutu lwe talu kala ita lu dhimbulukiwa ku kehe.
Omulumentu gwomimvo 71 okwa hokolola nokumwe nkene a mono olutu lwomukiintu omugundjuka lwa fikwa lwalungwina moshilando pangelo ongula yolyomakaya gehulilo shiwike ndika.
Opolisi ya Namibia ohela oya manga po omukiintu ngoka taku hokololwa oye yina yomukadhona ngoka a si eso linyanyaleka,  sho olutu lwe lwa adhika konima yetoto lyiiyagaya ya muni .
Omupenzelwalongi, Sackaria Naftali okwa hokolola kutya,  oshiponga shoka tashi halutha okwe shi mono omanga ali eli mondjila a u ka  koositola hoka ali ta ka landa oshikundaneki she.
Naftali okwa hokolola kutya okwa kutha okandjila hoka oka hupi  okuya koondunda dhoka oku pitila momulamba .
Onkee , omanga eli mondjila moka okwa uvu ezimba likumitha na okwa tokola opo a tale mo mepoto lyiiyagaya ndyoka lyali popepi naye na okwa mono olutu ndoka olu tilithi.
“Sho nda tala mo tango onda mono oshinima shafa epopitha lya zala. Konima yethimbo onda tokola opo ndi talelule mo na onda mono mo kutya oshinima kasha shi epopitha lyiilapi ashike olutu lwomuntu. Onda tokola ndi galuke ko koositola etandi shuna ndi kalombwele omukiintu ngoka nduno oye a tseyithile opolisi.
Okwa hokolola kutya okwali a kunkulilwa kopolisi kaahokolole onkundana ndjoka opo aantu kaaya mbombolokotele pehala mpoka opo ya ngundumanene epoto ndyoka liiyagaya, na shiikololela kuNaftali , omukiintu ngoka okwapya a lungwina.
Na okwa tsikile ko kutya mokutala kwe olutu ndoka olwali lwa ndjena natango , shoka tashi ulike kutya oshiningwanima oshali oshitaalala noonkondo a fikwa nande ongula yesiku ndyoka.
 Aniwa ompilelutu ndoka olwali talu monika lwa zala ombulkweya yojeana nokahema oka tiligane.
Ashike okwati kutya ye okwa pulaapulwa iikando oyindji nkene eya popepi nolutu ndoka.
Opolisi oya patulula oshipotha shedhipago nokuya ompangu moshipala, oshiningwanima shoka otashi hokolwa sha ningilwa po Ooievaarstraat pokati ketitano nolyomakaya.
Uuyelele wa gwedhwa po otawu ulike kutya aalumentu yaali oya monika mokathano taya undula omudhimba ngoka gwa nakusa, sho ya dhimbululwa konima opolisi sho ya a ndjaganeke omathano ngoka.
 Omupopiliko gwopolisi yamuni Fabian Amukwelele okwa hokolola kutya sho ya thiki po poshiponga mpoka ota pu monikwa kutya olutu ndoka olwali lya popyala natango na otashi ulike woo kutya oshiningwanima shoka osha ningilwa pamwe pu ili hapo mpoka.


Selma Ikela
2020-01-27 08:58:51 1 months ago

Be the first to post a comment...