• October 29th, 2020
Login / Register

Aafuthi ya ponokele moshiputudhilo shaUn



Victoria Kaapanda

ONGWEDIVA-Opolisi moshitopolwa shaShana oyi li molukongo lwaafuthi mboka ya iteyele moshiputudhilo shopombanda Hifikepunye Pohamba, mOngwediva, mboka ya yi noshimaliwa shi vule N$200 000 koomuma.
Omupopiliko nomugandji gwomauyelele gwopolisi moshitopolwa shaShana, Frieda Shikole okwa ti oshiningwanima shoka osha li sha holoka mOlyomakaya gehuliloshiwike lya  zi ko, lwopotundi 07h30 yongula.
“Oongangala ndhoka dha iteyele mosikola ndjoka, odha li dha tatula mo ekende lyombelewa yomukuluntu gwoshiputudhilo tango, e tadhi teyagula ompungulilo yiimaliwa ndjoka ya li yi na oshimaliwa shi thike poondola   N$224 580 koomuma,” Shikole ta ti ngaaka. 
Shikole okwa popi kutya pethimbo onkundana ndjika ya pitithwa kape na ngoka a tulwa miipandeko, ihe opolisi otayi indile moshigwana kehe ngoka e na uuyelele mpoka pe na mboka ya longa iilonga mbyoka a kale a lopotela opolisi yo popepi naye.
Oshiningwanima ina shifathana, sha ningilwa moshitopolwa omo tuu moka , Lukas Amon 51, okwa hulitha eso lyombaadhilila ongulohi yOsoondaha sho ali a lyatwa kohauto mOkandjengedi.
Oshiningwanima shi nyanyaleka osha holoka polukanda lwedhina Onawa, mOshakati, nanakusa okwa li a hulithile poshiponga mpoka.
Okwa hokololwa kutya omuhingi gwokambetsa hoka ka eta oshiponga okwa li a mono oshiponga shokapulu kelume omanga aafaalelwa moshihauto osho tuu shoka inaya mona nande oshiponga.
Olutu lwanakusa olwa hokololwa lwa falwa kokila yopolisi, hoka gwa ka tegelelwa oku ka tandwa opo ku monike shoka sha etitha eso.
Otaku hokololwa kutya omuhingi gwokabetsa okashona, okwa li ta hingi mepandaanda enene okuza kOngwediva a thinda  kOshakati nokulyata Amon ngoka kwa li ta taaguluka opate a taalela pondingosho tayi  ithanwa Tafel.
Shikole okwa ti ayehe ya li mohauto ndjoka kakwa li ya mona oshiponga. Nakulyatwa okwa li a hulithile poshiponga mpoka.  


Staff Reporter
2020-01-28 08:57:11 9 months ago

Be the first to post a comment...

You might also like...