• November 16th, 2019
Login / Register

Aakalimo yomOmatando taya ka tembudhwa



Victoria Kaapanda 

Elelo lyondoolopa yaNgwediva olya thika ponkatu yokutembudha aakalimo yomomatando 1, 2 oshwo 3 mboka ya gumwa kokaalita hoka taka ulike ehumokomeho lyondoolopa.
Okaalita hoka otaka adhika pombelewa yaMuni. 

Omugandjimulombo oshowo omupopiliko gwelelo lyoondolopa yaNgwediva Jackson Muma okwa li a kumagidha aakalimo yomOmatando  kutya kehe ngoka ta ka kala e na edhiladhilo lyoku unga nokuhumitha komeho ehala lye na kale a tseyithila elelondoolopa opo lyi gandje epitikilo shi ikolela komathaneko gawo ngoka ye na.

Muma ta ti omadhiladhilo ngoka getembu oya li ye ga kundathana pamwe nooyene yomikunda oshowo aakalimo yomOmatando mboka  ayehe ya li ye shi zimine.

“Elelo lyondoolopa otali ka tameka okumeta nokuyalula uunene womahala oshowo ongushu yago, ngoka ga gumwa kokaalita kehumokomeho lyondoolopa okuza  muMaalitsa sigo Apilili  nuumvo. Ashike shono otashi ka ningwa  keuvathano tali zi kooyene yomikunda, ooyene yomahala shi ikolela komilandu dhelelo lyondolopa ngashi gu li po nale”. Muma ta ti ngaaka.
Ta gwedha po ta ti elelo lyondoolopa itali ka thiminika nando omukalimo a tembudhwe nokuthimanekwa ngele ina panda oshimaliwa shoka ta ka futwa opo a tembuke, ihe shoka otashi ka ningwa  ngele a zimine omwaalu ngoka ta ka futwa kelelo lyondoolopa.

Omatando oge na omahala 2287 , miitopolwa yi li 8 hoka taku tembudhilwa mboka taya zi koMatndo 1,2 na 3. Hoka kwa longithwa ongushu yimaliwa oomilionina N$10 okulongekidha omahala ngoka.

Aakalimo yomOmatando oya li ya gandja omanyenyeto gawo kutya ngashingeyi oya kalelwa kuupala momapya gawo, ihe oya nyengwa kutya otaya pulula ngini omapya gawo oshoka oyatila omambakumbaku  gawo ga tsuwe.
“Eleleo lyondolopa olyetu kwata notali tu shunitha mo  nima, se otwa hala oku puplula omapya getu. Ina yetu tseyithila kutya otaya tameke oku meta omahala nando, ongashi twa adha ashike ga tulwa  uupala kuMuni”.

Monkundathana nakundana Muma okwati yo inaya Tameka okumeta natango, otaya tameke muMaalitsa, nuupaala mboka wu li momapya gawo owo ku ninga omapekaapeko ashike, ihe itawu vulu oku ya imba okulonga iilonga yawo yomomapya oshoka otaya vulu oku wu nuka po e taya tsikile niilonga yawo.

Muma okwali agandja olupandu kaakwashigwana ayehe yomoshitopolwa shaMatando sho yakala  ya ngungumana sigo elelo lyondolopa lyamana okulonga ilonga yalyo no ta indile natango ya tsikile nokulongela kumwe sigo ya thiki pehulilo lyokuhumitha ondoolopa yawo komeho.


New Era Reporter
2019-02-22 11:10:58 8 months ago

Be the first to post a comment...

You might also like...