• December 15th, 2018
Login / Register

Aakalimo yomOutapi oombwa dha kwata odheni…



Oshakati - Aakalimo yomOutapi niitopolwa yopuushiinda, tuleni onguti puuya oshoka nuumvo otamu ka pewa okili kuyely kuKilimanjaro Boxing , ngoka te ke mu etela dhaKahandja mondoolopa  yeni momweedi Desemba.

Joseph Benhard mwene gwoshiputudhilo shaKilimanjaro okwa li a holola kutya oye li ya tula kumwe omawudhano ge li gahetatu, ngoka taga ka mwenyeka aatali kongulohi yesiku ndyoka okuzilila pOmanghete Lodge mOutapi.

Uudhano uunene wesiku otau ka kala pokati kaMichael Benhard ngoka e li omonamati gwaJoseph Benhard naDominikus Weyulu, uudhano mboka tawu ka thiga oyendji ya gwa kiipundi oshoka uumati mbuka uyali ihawu lala mondjugo na ohau dhenge oongonyo kaaku na we.

“Omukwashilipaleki omunene gwuudhano mbuka Oshilimela Security, nuudhano mbuka otwe wu lukila omusimanekwa ngoloneya gwoshitopolwa shaMusati Erginus Endjala,” Benhard ta ti.

Uutekete otawu ka monikwa pendiki lyaKilimanjaro mOshakati okuza moshiwike tashi ya, moka uutekete woohiinina tau ka kotha N$ 50, aakuluntu N$ 100, VIP 250, omanga oshitaafula shaantu yatano tashi gu kooN$ 6000.

Benhard ota indile aaholi yomaudhano opo ya ka holoke momiyalu ominene opo ya yambidhidhe uudhano wopashitopolwa, uutekete otau ka monika wo pomweelo ongulohi yomawudhano, kwaamboka itaya ka mona olweedhe lwokuthika koshaNangombe.

Kilimanjaro oku na ondjokonona yokuunganeka omaudhano gwopamuthika noku na aabokisi ye na ongushu, onkene mboka taya ka holoka pOutapi momasiku 22 ga Desemba 2018 otaya ka pewa omayinyanyudho kaaku na we


Shipi Elago
2018-12-07 12:45:04 8 days ago

Be the first to post a comment...