• September 27th, 2020
Login / Register

Aalumentu ya homata iifufuta ya dhipaga 11 moNigeria



Kano – Aalumentu ya homata iifufuta ye li koomota muumbangalantu waNigeria oya dhipaga aantu 11, aaleli yopashitopolwa taya ti ngaaka mEtitatu, momakuyunguto omape. 
Iiponokela mbika mOmaandaha oye ya ashike konima sho ya li ya dhipaga aantu 18 pohango pomukunda gwopopepi.
Aalumentu mbaka ya homata sigo okomayego oya li ya ponokele omukunda gwedhina Gora Gan moKaduna noya li ya umbu aakwashigwana, osho omukuluntu gwoshitopolwahogololo shaZangon Kataf Elias Manza ta ti ngaaka.
“Aalumentu mbaka oya dhipaga aantu 11 moshiponokela noku ehameka ye li 15,” ta ti ngaaka. Oya li wo tomeke omagumbo, ongeleka, ohauto yimwe noomota heyali. Omuleli moshitopolwa shoka Jonathan Asake, okwa ti kutya aantu omathele oya ya ontuku ya thiga po omagumbo gawo sho ye na uumbanda wiiponokela monakuyiwa. 
“Otu na aantu ya adha po 559 mboka ye na uumbanda wokushuna komagumbo gawo noye li ya hondama mosikola yi li pondoolopa yopuushiinda yedhina Zonkwa,” ta ti ngaaka. 
-Nampa/AFP


Staff Reporter
2020-07-23 18:17:25 2 months ago

Be the first to post a comment...