• November 16th, 2019
Login / Register

Aanona 88 ya simbapala mOshana



OSHAKATI– Oshikako shotango shomumvo 2019 sho sho sha tsu onkolo okwa nongelwa aalongwa ye li 88, mwa kwatelwa yaali yomondondo 7, ye na omategelelo mOshitopolwa shaShana. Ngoloneya gwaShana Elia Irimari okwa li a ti ndhika moshipopiwa she shoka sha li sha leshwa pehala lye peegululo lyoshikonga shetaambo shopambelewa shaalongwa moshtopolwa shaShana . Irimari ta ti aanona ayehe mboka ya li ya ningi iihakanwa oye na oomvula 18 okuuka pevi.
Oshakandjolongo shaShakati osho sha kwatela ayihe komeho sho mu na omategelelo gaalongwa ge li poopelesenda 43, taku landula Oluno noopelesenda 19 noya landulwa kOnamutai yi na oopelesenda 16. Eheke olyo lyi na oopelesenda oonshona dhomategelelo gaalongwa, lya thikama poopelesenda hetatu.
“Nonando aalongwa mbaka oye li mosikola, iizemo yawo otayi nkundipala noonkondo notashi vulika ya ka kale inaaya pita pehulilo lyomumvo.” Irimari ta ti.
Onkene okwa lombwele aavali naatekuli yaanona ya longe uunona wawo, aamati naakadhona kombinga yuupyakadhi womakwatathano gopaihulo noku ya kwathela wo ya ninge omatokolo gomondjila ngoka taga gamene elongo nonakuyiwa yawo. Irimari ta gwedha po wo kutya aalongwa 130 oya pa osikola omuthi, nopwaa na naanaa omatompelo. Oshikonga shika sha tamekele mOmaandaha notashi hulu mEtitano, otashi lalakanenene oku unganeka aakalimo ayehe ya kwashilipaleke kutya aanona ayehe mboka ye li mepipi lyokuya kosikola oya shangithwa okuya kosikola momumvo 2020.
(NAMPA)


Staff Reporter
2019-07-19 11:19:40 3 months ago

Be the first to post a comment...

You might also like...