• November 17th, 2019
Login / Register

Aanona ya valelwa kombanda otaya ningi omatilitho …sho onkalo ye ya dhigupalele



Victoria Kaapanda

ONGWEDIVA–Aagundjuka ya valelwa kombanda, ya dhika omagumbo gootenda pombelewa yoSwapo pOkandjengedi mOshakati okuza mo2016, oya ti otaya gandja ashike oshiwike shimwe ya kale ya yamukulwa kepangelo.

Ongundo ndjoka hayi ithana kutya yo ‘aanona yekondjelomanguluko’ yali ya popi kutya ngele inaya ya mukulwa muule woshiwike shimwe otaya tala shoka taya ningi po. Taya ti onkalo oye ya dhigupalela, noya hala ekwatho lyomeendelelo opo ya kale ya monenwa iilonga.

Taya pula epangeloo kutya, olya mona oshilongo shini po hashi ningi omahogololo omanga shi na omakanka, go itaa ga kandulwa po.

Omukwateli komeho gwongundu Veronika Iipinge okwati epangelo olye ya ekelahi, kali na nando olukeno nayo. Ta ti ka pe na nando esiku limwe ya talelelwa po nando okomuleli gumwe, nenge komukwateli komeho gumwe moshilongo  opo a uve omanyenyeto gawo.

“Otwa loloka notwa mona iihuna sha gwana. Ano oshike epangelo inaa li hala oku tupa iilonga, tse mpaka ka tuli po we oyendji? Otuli ashike 11 ihe kandi wete oshidhigu unene epangelo li tu monene iilonga. Tse otwa hala ashike iilonga yoludhi kehe nando ohandi mono N$3 000 komwedhi oya gwana ashike,” Iipinge a ti ngaaka.

Omupeha kwateli komeho gwongundu yaanona ya valelwa kombanda Wilhem Jonas okwali a lombwele kundana ta ti oku uvite uudhigu oshoka ngele uuministeli wu nasha naagundjuka tawu kutu aanyasha ihawu gwedha po nando uunona ya valelwa kombanda.

“Ihe ngele aanona ya valelwa kombanda ta ya kuthwa po ohaya gwedhwa mo aanyasha mboka ya valelwa moshilongo shaNamibia. Oshike shili ngaaka? Ano tse ina tu yalulwa nawa nenge oshike,” Jonas a ti ngaaka .

Ta gwedha po ta ti ngaashi ngeyi ita vulu oku shuna kegumbo, “oshoka aakuluntu yandje oya hulitha ko ayehe, ihe inaya thiga ko nando ehala nenge okalili mpoka ta ndi vulu okuza”. Ta ti yo naakwanezimo lye itaya tsu kumwe, ohaye mu ningi nayi noku mu tukagula.

“Sho tu li mpaka hasho twa hala ihe katu na nkene, katu na mpa tatu uka, ngaashi ngeyi ohandi landitha iikuni yandje opo ndi landele okanona kandje nomukulukadhi gwandje –mboka handi zi nayo motenda yandje –sha shokulya,” Jonas a ti.

Oyali wo ya gwedha po kutya sho ye li mootenda noku nyangadhala naashoka tashi ya etele okulya oku guma iinima yantu inaya hala, ashike komasiku gomeho onkalo otayi ke ya thiminika oku ka longa iilonga yomiyonena kaashi li pa halo lyawo.

  

    


Staff Reporter
2019-08-14 08:10:35 3 months ago

Be the first to post a comment...

You might also like...