• June 2nd, 2020
Login / Register

Aapolisi ya mangwa po sho ya teya oompango dhepato mo-SA



JOHANNESBURG – Iilyo 12 yopolisi yaSouth Africa (SAPS) mwa kwatelwa gumwe gwopolisi ‘yoreserved force’, oya li ya mangwa po mehuliloshiwike molwa anuwa uulingilingi osho wo ekayulonyanga dhomilandu dhoNational Disaster Management. Yamwe oya li ya mangwa taya nu mondingosho.
Omupopiliko gwopolisi Vish Naidoo okwa ti oyendji yomaakalekipo yooveta oya kala nokulonga nawa mokukaleka po omilandu ndhoka dha tulwa po omipe noya li ya teya shoka ya gana sho ya teya oompango ndhoka. Opolisi momushangwapitithi oya ti kutya aapolisi yatano nagumwe ngoka, taya longo okuza moNamahadi Police Station moPhutuhaditjhaba moFree State oya li ya mangwa po sho ya li anuwa ya nu iikolitha mondingosho yimwe.
Aapolisi yahamano ya za koBrooklyn naSilverton Police Station moPretoria oya li ya tulwa miipandeko mOlyomakaya konima sho iilyo yehangano lyokukeelela uulingilingi moMpunmalanga ya li ya yakelwa ko kutya aanamebelwa yopolisi oya kutha ongundu yaantu oshimaliwa shi vulithe poR30 000 mboka ya li ya piti peinda lyopolisi lyomoondjila.
Moshiningwanima oshititatu, oshilyo shopolisi shimwe osha li sha mangwa po sho sha li sha gongele aantu mokamba yopolisi moSoshanguve. Aanambelewa mbaka oya patululiwa iipotha.
Moshiningwanima sha yooloka,omulumentu nomukiintu oya li ya mangwa po moGauteng sho ya teya oondjindikila ndhoka dha tulwa po, shika osha li sha ningwa mondjila onene yo-N12 sho omulumentu a li  a kambadhala okupita nomukiintu meholamo okuza koshitopolwa shimwe mokuya kushikwawo.
Omulumentu nguka ehauto lye olya li lya kankamekwa peinda lyopolisi lyomoondjila nokuhadhwa, nomukiintu okwa li a adhika kombuta. Mbaka yaali anuwa oya adhika yu uka koMpumalanga. Okwa li ta ende kee na opelemeta omanga omukiintu a li a mangwa po sho a itaala a yakelwe mo moshitopolwa shimwe.
-Sowetan
 


Staff Reporter
2020-04-21 10:19:56 1 months ago

Be the first to post a comment...