• June 2nd, 2020
Login / Register

Aashingithi yuupana niikulya oyati  etumba ngele ya tsikile oku landitha 


Victoria Kaapanda

ONGWEDIVA-Aalandithi yuupana oshowo oongeshefa ooshona tadhi landitha iikulya, oya penduka noonkundana ombwanawa sho ya li aniwa ya tseyithilwa kutya naya katsikile oku landitha.
Inashi yela nawa kutya olye a gandja elombwelo lyaantu mboka taya landitha iikulya ya shune momapandanda, ashike mOshakati aakwashigwana mboka oya Tameka oku landitha nonando ombelewa yamayola gwelelolyondoolopa ndjoka okwedhi ikanyuna.
Gumwe gwomwaamboka ya popi naNuusiku Shimenka, okwati epangelo mpoka olya uva onkugo, lyo natango olya kutha etokolo li li mondjila, oshoka ngeno oya mona iihuna lela.
Shimenka ngoka halanditha onyama ya yothwa molukanda Oneshila okwati, okwali ya dhengwa pomutima ashike nena okwapenduka eli moondjimbo dhenyanyu oshowo  moondigolo.
“Se ohatu hupile muupana, omo hatu li, nongele inandi landitha nena nangaye ina ndilya. Onduuvite kutya otwa silwa ohenda omolwa omakemo ga zi moshigwana oshoka, oshinima shika okwa li sha kwata oshilongo ashihe,” Shimenka a popi ngaaka.
Shimenka okwa li a kumagidha aalandithi ooyakwawo tati, naya iyuthe komalombwelo ga tulwa po, oshowo taya yanda okuudha kwaalandi pomahala gawo, ngaashi naanaa ompango ya tulwa po omolwa uuwanawa woshigwana noku keelela omukithi goCovid -19. Tati ngeno okwali aakwashigwana taya uvuko ashihe taya kumagidhwa nasho, ngeno epato lyoongeshefa kali po, ihe molwa omayihumbato omawinayi oshowo okwaa landula komalombwelo oko ashike taku patitha oongeshefa.
Omulandithi gwokapana ngoka, okwali ta ulike enyanyu shili, ye ta hokolola nokupula omapulo, ta imbi ta ti, nani epangelo oha li uvu ngaa omanyenyeto ge tuu! 
Ta ti omukithi gwoCovid-19 oku guuviteko lela, nuumbanda oku wuna, na shoka otashi mu pe omukumo oku landula omalombwelo agehe oshoka okwa hala woo, okukeelela oCovid -19 nonande ita vulu oku kala eli megumbo keena sho ta longo sigo tayi hulu po. Mayolola gwondolopa yaShakati Angelius Iyambo sho ali a pulwa kuKundana kutya, mboka haya landithile momatala ngele nayo oya pitikwa nokutsikila noongeshefa dhawo, okwati sigo onena ombelewa yawo inayi gandja epitikilo lyokushingitha.
“Ombelewa yetu natango inayi mona ombapila ya za kombelewa yaPresidente kutya oongeshefa dhoka nadhi tsikile oku landitha, netompelo ndoka, itatu vulu  oku gandja uuyelele wuli ngaaka moshigwana,”Iyambo a popi ngaaka.


Staff Reporter
2020-04-06 12:01:45 1 months ago

Be the first to post a comment...