• November 14th, 2019
Login / Register

Agribank na ninge ekwatathano naanafaalama



WINDHOEK – Omugandjimayele mehangano lyaanafaalama lyedhina Olushandja Farmers Association, Paulus Amutenya okwa ti Agribank nayi talele po aanafaalama olundji opo yi italele ko nonkalo yaanafaalama ndele haku dhenga ashike oongodhi uuna ye li konima niifuta yoongunga dhawo. Amutenya okwa li a popi ndhika momushangwa ngoka gwa pitithwa komukuluntu gwomakwatathano nomalandithilo gwombaanga ndjoka Rino Muranda mEtiyali. Ta ti ombaanga nayi kale tayi talele po aanafaalama omathimhbo nomathimbo yi italele ko yo yene nkene onkalo ya nayipala, oshoka anuwa uuna taya kwatathana nookastoma dhawo ongele owala taya panda ko iimaliwa yawo.
“Onda hala ombaanga yi tu talele po olundji nokukala popepi nookastoma opo wu vule oku uva ko oompumbwe dhetu nomashongo pehala lyoku tu dhengela uuna tu li konima niifuta yetu,” Amutenya ta indile.
Omunashipundi gwOlushandja Farmers Association, Sylvanus Nauyango okwa ti aakuthimbinga ayehe naya tameke okutala ko uunamapya onga esipa lyombunda lyokulonga iikulya ya gwana oshoka otawu vulu okutota po oompito dhiilonga. “Ngele aakuthimbinga ya yooloka oyu uvu ko esimano lyokuyambidhidha aanangeshefa aashona, otashi ka eta po oompito dhiilonga moshilongo. Muka mOlushandja ohatu longele kumwe nokukwathelathana opo tu yungule nawa,”Nauyango ta ti.
Ombaanga oya li yi inika komilungu naanafaalama miitopolwa yokonooli okuza Omaandaha goshiwike sha zi ko sigo omEtitano opo yi tale onkalo moka mu na aanafaalama yawo nankene taya kikimba pethimbo ndika lyoshikukuta. Olushandja olu li mEpalela mOshitopolwa shaMusati.
(NAMPA)


Staff Reporter
2019-07-19 11:33:30 3 months ago

Be the first to post a comment...

You might also like...