• October 29th, 2020
Login / Register

Apollo 11 a ningwa mwene gwomukunda gwaShikuku



Omunangeshefa a tseyika nawa monooli noongeshefa dhoositola ndhoka ha dhi landitha iitungithi, omalovu noshowo iinima oyindji ya yooloka monooli yoshilongo Wilhelm Lazarus  nedhina lya tseyika nawa moongeshefa dhe Apollo 11 okwa li a langekwa onga mwene gwomukunda gwaShikuku Olyomakaya gehuliloshiwike ndika.

Omupopiliko gwElelo lyUukwambi ye oku li woo mwene gwomukunda melelo ndyoka Josef Iita okwa koleke onkundana ndjoka ta ti kutya Apollo okwa pewa omukunda ngoka oshoka mwene gwomukunda ngoka a kala ko konima sho tatekulu Norbeth Norbeth a hulitha  okwa tembukile kOndonga. “Mwene gwomukunda ngoka okwa tembukile kOndonga napamuthigululwakalo iho vulu okutembuka e to ka lela omalelo gaali. Onkene out na okutula po omuleli gumwe ngoka a opalela nelelo oya ulike ngoka ta vulu okukala mwene gwomukunda ngoka noshowo mwene gweziko olyo tuu ndyoka,” osho Iita a hokolola ngaaka.

Apollo ngoka okwa li a ulikwa shili pamulandu gwekotampango lyelelo lyopamuthigululwakalo ndyoka lya li lya ulikwa kelenga enene lyUukwambi Herman Ndilimani Iipumbu ndyoka a li a ulike komeho gaanamukunda noshowo oontaliyiho adhihe ndhoka dha li dhe ya okutala omuleli omupe.

 Iipumbu okwa li a kumagidha Apollo kutya na lele aakalimo yomeziko lye pawuyuuki , nesimaneko  kaapu na okatongo  noshowo sh iikololela kekotampango lyaNamibia.

 Oshituthilangeko shoka osha li woo shi na omupopi a simana ngoka e li ohamba yUukwanyama  meekulu Martha Mwadinomho yaKristian   yaNelumbu ngoka a li a ngongosheke Apollo kutya ota ka kala omulelei dhingi ngele aluhe okwa simaneka omushiti gwaayihe.

 Mwaamboka ya li ya holoka ya kalela po epangelo kansela gwoshikandjohogololo shaShikuku moshitopolwa shaMusati Matheus Gabriel  okwa li wo a popi mpoka e ta pula omuleli omupe a dhane onkandangala mokutsa aakalimo ye omukumo opo ya kuthe ko elo lyomepya lyi na oshilonga opo aantu ya lime yi itula mo.
Apollo okwa hokolola kutya ye  ota ka lela nuudhiginini pauyuuki ngaashi naanaa ta vulu. 
-Uuyelele walopotwa wa gwedhwa po owa gandjwa koshikundaneki shoNampa


Loide Jason
2020-03-09 07:45:54 7 months ago

Be the first to post a comment...

You might also like...