OTJOMUISE- OnÿiÞona Cheryl Avihe Kaimu-Ujaha muhuka otjimasuvisiwa mombongo ya Pioneerspark ape momurongo womuhukomunene.

Mohambondatu yomuhukomunene muhuka ndiri Oroviungura otjiungura tjombongo otjimatjiutu pombongo indji  El Shadai momurari imbwi o Eveline. 

Ngunda aperi nao Ehika rOmitanda rOuhonapare wOmbazu wOvaherero maritja ousemba mausokuungurisiwa noveta autwara omirari vyayo kokutja imba mbatjitire otji¿a otjiyaukise okuzemba onditona Cheryl Avihe Kaimu-Ujaha, vekamburwe noveta aihe monduri yayo nokuura ivehungame.Momatjangwa kozombuze omunane waro, Venee Korumbo, matja nandarire kutja imba mbatjiti otji¿a otjiyaukise ihi kutja oveta aihe yarondo kombanda yawo, otjo kanaatjikotora Avihe, nungwari otji¿a tjimatjihuhumi¿a otjiwa¿a atjihe tja Namibia tjitjaÞisiwa oruhoze kutja kanaatjizembi.  Ehika maritja rahoza ongaro ovanatje va Namibia muveri nai. Mokutja ehi rao nambano karinondjeverero komwatje, kutja omuzandona poo omukazona, tjinene owo ngunda mbehiatwako ozongareko novehinandjo. “Matuzemburuka kutja turi moue wouyara, no Namibia tjingetjo kanaariritwara mohanikiro mombii indji. Ovanatje vetu venousemba wokunyanda nokukara kangamwa apehe ponganda poo me¿e yozonganda, otuveze twomahongero novyungurisiwa mbyasere okuhinokuvepa ongeyangeyero ohunga nondjeverero yawo. Posia itji nambano tjarira otji¿a tjitjapirama mehiroomama na mouye auhe, mokutja muna ovivepo vyongatukiro yoveta nandarire eyuva amaritara mbyakuramena okwiihamisa ovanatje vetu,” Korumbo matja.

Nembo ndimaritja omwiihamo waumwe omwiihamo kuwavehe, ehikandi otjimaririkwamba kootjiwa?a atjihe tja Namibia tjitjaÞisiwa oruhoze amatjitja ihi otjihonge tjotjiwa¿a kokutja ovanatje vatjo mavehepa ondjeverero yatjo kovivepo vyouvi nwiihi matjiyenene okutjitwa uriri indu ndoovazu ete maturaisa kutja indji ongaro ndjituhina maatuzara nokuyandjera kutja ngatjiarukirepo pomwatje warwe rukwao.  Munao ehika indi otjimariningire nomerususuparisiro kangamwa auhe okusekama nokukurama pamwe okutjevera ovanatje koozongaronda nawina okuvatera oporise na kangamwa ondjivisiro okurwisa omayarukiro po woumba imbwi. 

“Munao otjitunongamburiro moveta ya Namibia, nu matupambarere kokutja kangamwa auhe ngwamunikwondjo motjina ihi maverwe okuura iyoveta nu maisamewe motjiwa¿a okuyandja ongwizikiro kokutja iho otjiwa¿a otjini nawina ozonÿiÞona zatjo zenondjeverero. Komurungu ehika romitanda rOuhohape wOmbazu wOvaherero maritja omonÿero yotjiwa¿a kutja ingwi ngumahakerwa mongatukiro indji tjakamburwa matizirwe momake wouhonapare ahaandjerwa okurisiuta okukaundjira ombanguriro ye pendje. “Nukumbatanda ongatukiro tjingeyo maveso okurakiziza kokutja  otjiwana atjihe nambano tjevehungama nozondjito zawo mazevekongorere. 

Oritjatatu ovahongwa, omapanga, oveÞunÿu, ozomiÞiri novoporotika otjivavirikizire Avihe pomayandjero wondjozikiro woruhoze orunene ponganda yomahongero ya Avihe, indji o Gammans mo Khomasdal mOtjomuise.  Ovahonggwa okuza kozonganda peke peke zomahongero wombutiro mOtjomuise  vaandjere ozombinika zoruhoze nomiimbo nawina ozombatero zotjimariva.  Etuwo rovitjitua ronganda yomahongero indji rari aeura potjinyo okuhina okuyena okusekirisa kangamwa ovahuhumi¿e tjitjatjitire kokutja tjiva vekarire vopendje. Epanga ra Avihe roposengo, Hitjivirue Ndjitaviua, ngutjiukua otja Pelepele kovakwao, nokuriporinÿa wavirikizire epanga re nombinika indji: “Panga randje ehuze, wai nugwari konoozembwa. Nandarire kutja katuri pamwe, ombepo yoye iri punaami ngaa kongaaruhe. Suva mohange. Mbekusuvera.”