• August 25th, 2019
Login / Register

Brave Warriors muudhano wokuya ko-Chan, Afcon nekopi lyuuyuni



WINDHOEK - Namibia ota ka kutha ombinga muudhano moka hamu pitilwa oku ka kutha ombinga momakopi gopaigwana, omakopi ngaka ogo African Cup of Nations (Afcon), Ekopi Lyuuyuni noAfrica Nations Championship (Chan) pokati kOsoondaha ndjika tu uka naNovember 2019. Ehangano lyokuwilika okatanga kokoompadhi moAfrica, CAF, olya pititha omasiku gondjila yokuya kaCameroon 2021 konima yiizemo kutya iilongo otayi ka kuthathana po noolye, shika sha li sha ningwa omasiku ngaka. Namibia oku li mongundu ya-A, moka mu na Guinea, Mali naangoka ta ka sindana pokati kaLiberia naChad mboka taya ka taalelathana muKotomba 2019.

Brave Warriors ota ka dhana megumbo uudhano wotango pokati kaangoka ta sindana pokati kaChad naLiberia, nuudhano uutiyali ota ka dhana naGuinea-Conakry. Iilongo mbyoka oyi na okugandja omasiku okuza mo11 -19 Novemba 2019 opo Caf e ga kwashilipaleke. Omalolelo guudhano mbuka otaga ka kutha efudho ele notaga ka galuka ashike pokati kaAguste 31 naSeptemba 8 2020 nuudhano uutititatu nuutine moka oBrave Warriors tayi ka ya koMali manga Mali inaa galukila moWindhoek muudhano uutine.

Uudhano uutitano otau ka kala pokati komasiku 5-13 Kotomba 2020 sho Namibia ta ka talela po Liberia nenge Chad omanga uudhano wahugunina mongundu tau ka kala ko momasiku 9-7 Novemba 2020. Kehe omusindani naangoka te ya omutiyali mongundu ota ka mona ompito okuya kuudhano mboka tawu ka dhanenwa moCameroon.

Ngele tashi ya kokudhana uudhano wolweendo okuya kekopi lyuuyuni mo2022 mboka tawu ka dhanwa pokati komasiku 02 -10 Sepetemba 2019. Aasindnai 14 yedhingoloko lyotango niilongo 26 mbyoka ya tegelela nale edhingoloko etiyali otayi ka topolwa moongundu 10, moka ongundu kehe tayi ka kala niilongo ine moka uudhano uupe tawu ka dhanwa muMaalitsa omumvo tagu ya. Iilongo mbyoka tayi ka sindana oongundu dhayo otayi ka dhana ishewe medhingoloko lyahugunina , moka ngoka ta ka sindana omaudhano gopaali ta ka ya kekopi lyuuyuni koQatar 2022.

Ngele tashi ya koChan, Namibia oku li komeho nookoola sho a dhenge Comoros 2-0 sho taya yi molweetho olutiyali luudhano mbuka mOsoondaha. Omusindani mpaka ota ka tsakanena naangoka ta ka sindana pokati kaMadagascr naMozambique, moka omusindani ta ka ya kotonamende  yoChan ndjoka tayi ka kala koEthiopia. Uutekete wuudhano womosoondaha owu na 
N$30.
 


Staff Reporter
2019-08-02 08:27:42 22 days ago

Be the first to post a comment...