• June 17th, 2019
Login / Register

Dj Potpher a nukile mondambo nembako



■  Victoria Kaapanda

ONGWEDIVA-Potpher Mbewe 26, ta kapititha oalbuma ye yotango omvula tayi ya, sho a ningi oomvula 11 ta longo ongo omweeti po gomikwelengendjo dhoongalo, noshitalenti she okwa mono kutya osha mene iitayi oyindji moka a hogolola mo okuhika oongalo omvula tayi ya.


Mbewe okwa popi ta ti omvula tayi ya okunine oshigwana oshindji lela, nokwa ilongekidha  kutya petameko lyomvula oku na okukala a pititha oalbuma ye, ndjoka a ipyikidhila nayo ngashiingeyi nokuli poku yi mana.


“Sho nda kala noku eta po omikwelengendjo gaahikingalo ya yooloka, onda li nda kwatwa kohokwe yokuhika oongalo omolwa uuwanawa womikwelengendjo ndhoka handi ningi taga nyuwithya omakutsi”. Mbewe ta ti ngaaka.
Ta gwedha po ta ti okwa kala ha mono aahikingalo yamwe ya fa taya hepeke omikwelengendjo dhe oshoka ohaya tenteke oongalo dhimwe itadhi kwatathana nomikwelengendjo ndhoka ha ningi. Osha kala tashi mu hili kutya naye okwa pumbwa okutameka okuhika opo a ulikile aahikingalo yalwe nkene teshi enditha nawa.


Mbewe ngoka e na ostudio yemwene mOngwediva, moka a ningile omikwelengendjo unene gaahikingalo mboka ya tseyika nawa ngashi Sunny Boy, Tulisan, Blacksheep, Voster, Camouflage Namibia, Lioness, Paul Da Prince, oshowo aahikingalo yamwe yomoZambia.
Ta hokolola kutya okupulakena koongalo kwe koradio kehe esiku okwa nghondopaleka oshitalenti she oshoka kape na esiku hali piti po ina pulakena oongalo.
Ta kumagidha aahikingalo akwawo kutya kape na oshiwanawa hashi zi pokapala kayela, no kape na oshikukutu ihaashi hulu, ngele oongalo dhe ya dhigupalele, ihe oye wete itadhi ende ngaashi ya hala inaya sholola nando, naya kikimbe sigo ya sindana.


Ta popi ta ti naya kale ye na ombili nelandulathano, opo ya mone elago  nesindano ndyoka taya kongo.
Mbewe okwa yambukile koZambia, mondoolopa tayi ithanwa  Luanshya Copperbelt, hoka a li a tembuka sho a kanitha aakuluntu ye ayehe mo1997, e ta tembukile koLusaka hoka a ka tameka ondondo ye yotango. 
Sho a kala teshi enditha nawa milongwa ye, okwa li a yi kosekundo hoka aka hita ondondo 10 sigo 12 kosikola tayi ithanwa Kabulonga Boys High School mo2010, nongashiingeyi oku li movula yahugunina moshimpungu shoCivil Engineering  moshipudhilo oshinene shaUnam mOngwediva tashi ithanwa  Jose Eduardo dos Santos Campus.


Staff Reporter
2018-12-20 15:12:49 5 months ago

Be the first to post a comment...

You might also like...