• November 16th, 2019
Login / Register

ECN a talela po egumbo lyepangelo



WINDHOEK- Ongundu yelelopangelo lyokakomisi komahogololo moNamibia (ECN) oya talele po egumbo lyepangelo mEtitatu ongula opo li lombwele omupresitende gwoshilongo Hage Geingob kombinga yokaliindeli kawo komahogololo.
Ongundu ndjoka ya kwatelwa komesho komunashipundi Omupanguli Notemba Tjipueja oya hokolola kutya omolwiilyo mbyoka iipe oya tokola ashike opo ye ye ya popithe omupresidente onga shi li omukalondjigilile moshilongo.

Omupresidente gwoshilongo okwa popi kutya sho a ulike ongundu ndjoka , kasha na sha nomahogololo ngoka ge li ko nuumvo okwa landula ashike omukalonondjigilile gwoshilongo shaashi noopresidente mboka aakulu.
Sho a pulwa kaatoolinkundana kutya omolwashike e na okwiikunditha okangundu haka omanga ye naye e li omuhogololwa okwa ti kutya shoka ya li taya popi kasha na sha nomahogololo unene.

“Ashike ombili nuundemokoli oyi na ondilo out na oku yi kaleka po. Ngele kapu na oshimaliwa sha gwana omahogololo out na oku shi konga opo tu kaleke po ombili ndjoka,” osho omupresidente a hokolola ngaaka.
Okwa popi wo kutya kombinga yomashina ngoka taga ithanwa EVM gomahogololo haye ta ti ko sha oshoka haye omutokoli gwaashoka.

Tjipueja okwa hokolola kutya nonande oshimaliwa shoka ya li ya ninga eindilo ya pewe shoomiliona N$301 hasho ya pewa ngashingeyi shoka osha gwana okuninga omahogololo guukansela kOndangwa nokuninga omalongekidho, ashike  otaya ka pula oshimaliwa shoka sha hupa ko.

Ngashingeyi ehangano ndika tali ungaunga nomahogololo olya pewa ashike oshimaliwa shi thike poomiliona N$225.
“Mongashingeyi oshimaliwa shoka twa pewa osha gwana okugwanitha po omahogololo gokOndangwa ngoka taga ka ningwa mbala, noshowo omalongekidho gomahogololo. Onkene pethimbo lyaantu taya ka kundathana oshimaliwa nena otatu ka tula mo eindilo opo tu gwedhelwe ko koshimaliwa shoka,” osho omupanguli nguka a hokolola ngaaka komeho gengathithi lyaatoolinkundana ndyoka lya li kegumbo lyepangelo. 

Okwa hokolola kutya omahogololo gokOndangwa Rural otaga ka ningwa taku longithwa omashina goEVM notaga ka ningwa mokati komumvo.

Oshigongi shika osha li sha ningwa konima yoomweelo dha patwa naatoolinkundana oy ali ya lombwelwa ya ze mo ya ka tegelele pondje opo ya pule omapulo sho mboka ya mana oku kundathana.


Loide Jason
2019-04-05 12:34:35 7 months ago

Be the first to post a comment...

You might also like...