• November 19th, 2019
Login / Register

Edikepo loPeugoet Opel moNamibia, ouwa dingi


Onghatu ya kufwa kehangano loPeugoet Opel oku dika ongalashe yokutula kumwe eetuwa davo moNamibia, ota li eti fa eenghono ngee tashi ya keliko loshilongo, nomunhu owa hala ngeno omahangano makwao a shikule mo. 

Odula ya dja ko, ngaali, moNamibia omwa li mwa landifwa oituwa i fike po 547 442, hano omalandifo omudo aushe. MuDeseba womudo wadja ko omalandifo oyeendifo okwali e fike po 41 639, nomalandifo oo nokuli okwa li ku wetike a shuna pedu noituwa idulife po 28 000, okuyelakanifa nomalandifilo a Deseba 2016.

Eshi ota shi ulike kutya ehangano loPeugoet Opel ola ninga omavalulo opangeshefa eli nawa, nola ninga etokolo li li mondjila olo ngeenge ola kwatwa nawa, kali na nande efiku like li vele ombedi.

Eshi osha yela kutya omalandifo oituwa moNamibia otaa ende nawa nokueta ongeshefa yoludi eli moshilongoongeshefa oyo yoitukutuku oi na oku limona mo oiyemo moshilongo eshi nonande oshikale shina omuvalu wovanhu munini.

Kakele kokulandifa moshilongo Namibia oye umwe womoilongo inini muAfrica oyo ina omatulilo skepa mawa nokwaamenwa. Eshi otashi pupalekele ehangono loPeugoet Opel opo li kale tali tumu oilongwamo yalo neeskepa koilongo ikwao mounyuni.
Kakeke kouwa oo tau monika koPeugoet Opel, Namibia oye unene ta yolele keta yoo, shaashi okukala nomahangano ounduluka moshilongo otaku yambula po eliko, koo vali otaku eta oulonga moshilongo omo ondjele yokuhena oulonga tai enda ya yuka pombada efiku keshe.


New Era Reporter
2018-12-07 12:10:26 11 months ago

Be the first to post a comment...

You might also like...