• January 23rd, 2020
Login / Register

Eemiliona N$80 da nyekwa ovadengeli vodi peisho



■  Omutoolinghundana

OSHAKATI –Omukulunhu wehangano li li omhinge noulingilingi wokulunga noku litapula oshoyo okudengela odi peisho, Anti-Corruption Commission (ACC) Paulus Noa okwa ti epangelo ola nyangula ko omaliko ongushu i fike peemiliona N$80 kwaavo va hangwa ve na omaukekengeli, ashike ova nyengwa okuholola nokuyandja oumbangi kutya omaliko oo ove a hanga peni.
Noa okwa ti shamha ashike eenhangu da i mondabo omolwa okudengela odi peisho, ndele omhangulilo tai mono kutya ope na shili oulingilingi wa longifwa okuongela ouyamba, onghatu ya landula ko okukufa po omaliko oo, ndele taa ningi po epangelo.  
Efimbo limwe omaliko oo ka e na naanaa ekwatafano lofaafaa nola yukililafana noshibofa osho omunhu ta pangulilwa ashike ngeenge nakukonaakonwa ke na oumbangi kutya osha enda ngahelipi a punapale, oinima oyo e na ohai kufwa ko kepangelo. Eshi osha ufwa kokatendo oko ke lile po okukonaakona oulingilingi womalinyengo oimaliwa moshilongo, Financial Intelligence Act No.13 of 2012
“Epangelo letu ola longa noudiinini okulwifa edengelo lodi peisho nekondoveko, nonande ola taalelwa komashongo oku ya komesho moku alula ko imwe yomoimaliwa, eemiliona odo da vakwa komahangano opapangelo oo a kwatela moGIPF noSME Bank,” Noa ta ti. 
Noa novanawino vakwao moimhungu ya yooloka, yoikwaveta, yopaitavelo, nopapolitika ovali va ninga oyeetwapo yavo mefiku lekeelelelo loimbuluma ya nyika okulunga-itapula nokudengela odi peisho la li la longekidwa koUnam Oshakati Campus, oshivike sha dja ko.
Noa okwa ti Namibia oku na eeveta da wana okulwifa oimbuluma nomeeveta omo okwa tofa mo okatendo kokukeelela oulingilingi wa longekidika kedina Prevention of Organized Crime act 29 of 2004. Ovanhu vahapu ova kufwa omaliko omolwa okatendo oko.
Omukulunhu woACC ta weda po vali ta ti omolwa okatendo koFinancial Intelligence Act No.13 of 2012, endiki lokukonaakonda omalinyengo oshimaliwa moshilongo ola totwa po. Endiki eli oli lile po okukonga nokukonaakona omishangwa di na sha nelinyengo loshimaliwa tali limbilike nelinyengo olo tali dulu okukwatela mo okuyandja omakwafo opashimaliwa koilonga youkulo. Public Procurement Act, 2015, a oyoyo ya nghonopekwa, public procurement law noya ya ponhele yokatendo oko ka li ke lile po etotepo lomutumba wokutokola okuyandja eetendela hano oTender Board of Namibia Act No. 16 of 1996,oko ka li ke na eembululu nokali haka yandje omhito kovadengeli vodi peisho. Ope na vali okatendo ke lile po oku amena ovashikimwiilwa novaulikimomakofi voonakulunga tave litapula hano oWhistleblower Protection Act, 2017 noka tulwa po okunghonopeka elwifo loulingilingi woludi eli.


Staff Reporter
2019-07-19 11:30:43 6 months ago

Be the first to post a comment...

You might also like...