• December 15th, 2018
Login / Register

Efiku loAIDS mounyuni la dimbulukiwa yo moLuderitz



Lüderitz – Efiku lo kudimbuluka omukifi woAIDS mounyuni, ola dimbulukiwa yoo modoolpa yokomunghulofuta moLüderitz mefiku 01 Deseba. 

Ovakwashiwana ovo va li va kufa ombinga ova li va ya momunyanyo ongula yefiku tuu olo lOlomakaya, va nyana okudja pokapale opo hapa londekelwa eebesa nokuya koLüderitz Waterfront oko va ka dimbulukila efiku la tya ngaha.
Efiku loAIDS odula yoneudo ola dimbulukiwa koshi yoshipalanyole shiiva apa wa fikama kombinga yomukifi woAIDS. Kansela woshikandjohoololwa sha!Nami#nus Jan Scholtz oye a fikifa etumwalaka lopashitopolwa, olo la nhuninwa efiku lokudimbuluka omukifi woAIDS mounyuni. 

Moshipopiwa shaye Scholtz okwa tumbula kutya, efiku eli olo efiku lowina omo taku twikilwa noku nghonopeka elitulemo mokulwifa nokukeelela etandavelo lomukifi wo HIV/AIDS moshilongo, oshoyo moshitopolwa ashishe sha//Kharas. Okwa indila oshiwana shi twikile noku yambidida, eenghendabala adishe da tulwa po okukeelela etandavelo lomukifi woHIV/AIDS moshitopolwa.

Ta ti Ouministeli Woundjolowele nOnghalonawa ou li we litulamo okuyandja nokukwatela komesho nokukwatakanifa oshoyo okuyambidida mokulwifa etandavelo lomukifi wa tya ngaha.
Palopota oyo ya yandjwa kehangano lokuninga omapekaapeko kombinga yomukifi woAIDS ehangano loNAPHIA modula 2017 ola lopota kutya moshitopolwa sha//Khara epango, nefiloshisho lomukifi woAIDS moshitopolwa sha//Kharas oli li elipulo linene, shaashi ovanhu ovo ve na ombuto yoHIV inava ya ve ke li konaakonife opo va shiive kutya ova fikama peni ngee tashi ya kombinga yomukifi woHIV/AIDS.  

 Oshikondo shoundjolowele, osha hovelele noikonga yokuninga omalikonaakonifo oshishivike sha ya moLüderitz.
Ovanailonga voundjolowele, ova hovelele omaandaha oshivike shaya, tava ende nomalukanda, nelalakano okufikifa omayakulo koshiwana, opo ovanhu ve likonaakonife nokukala va shiiva kutya ova fikama peni.  Oshikonga eshi osha hovelele Omaandaha 26 -29 November 2018.


Tuulikki Abraham
2018-12-07 12:08:25 8 days ago

Be the first to post a comment...

You might also like...