• December 11th, 2019
Login / Register

Esiku lyokuhogolola kowina lya tseyithwa


WINDHOEK-Olutu ndoka halu ungaunga nomahogololo moshilongo (ECN) osho lwa tseyitha kutya esiku lyomahogololo gowina otali ka kala ko momasiku 13 Novemba, ano mEtitatu lyoshiwike shika.

Sha ikololela komushangwa ngoka gwa tuminwa kiikundaneki moshilongo, okwa hokololwa kutya esiku ndyoka lyowinawina olya nuninwa unene aahogololi yomeni yoshilongo nenge kondje yoshilongo, onkene oongundu ashike ndatu dha pitikwa okuhogolola mesiku ndika. Onkene aahogololi mboka ye li moongundu ndhoka dha pitikwa okuhogolola mbala ongaashi, Aanamibia mboka yeli kondje yoshilongo,  iilyo yopolisi noshowo yetanga lyegameno moshilongo noshowo iilyo yopolisi yokugamena aanadholongo , naamboka taya ka za mo niilonga moshilongo pethimbo lyomahogololo ngoka.

“Onkene monkalo yaamboka taya ka za mo moshilongo ombaadhilila pokati komasiku 14 sigo 27 , oshinakugwanithwa shawo okuninga omalongekidho no-ECN  opo ya vule okukala ya hogolola ngaashi naana sha pitikwa paveta nuutendo mboka tawu shi pitike mekotampango lyoshilongo,” osho omulombo ngoka gwa totha mo.

 Omulombo ogwa hokolola woo kutya ogu li tagu tseyithile aahogololi ayehe koonono mboka ya ilongekidha okukutha ombinga momahogololo kutya ayihe oya pwa okulongekidha. Oya hokolola woo kutya pethimbo ndika oya longekidha oombapila ndhoka tadhi ka longithwa okuhogolola oshoka oombapila ndhoka odha kwashilipalekwa kutya odhu uka oku ongithwa pethimbo lyomahogololo ngoka.

Esiku lyomahogololo lyopashigwana oli li ko nduno momasiku ge li 27 Novemba 2019 nesiku ndyoka olya ningwa efudho opo kehe gumwe a kale a mona ompito yokuhogololo.


Loide Jason
2019-11-11 08:12:04 1 months ago

Be the first to post a comment...