• December 18th, 2018
Login / Register

Ethigathano lyoohauto mOshakati



Victoria Kaapanda    

OSHAKATI-Aahingi yiihauto yedhina Volkswagen ya gongalekwa ko Kethigathano ndoka lyali ko mehulilo lyo shiwike  ziko mOdolopa yaShakati.

Iihauto yomadhina goVolkswagen mOshakati ya pita po30 oya li ya kutha ombinga, moka mwa li mwa tothwa itatu mbyoka ya li ya sindana.

Iihauto iyali yoGolf 5 oya li ya Sindana, osho wo okabaki koVolkswagen 2.0.
Eethigathano olya li lya tameke okuza koBlock yaNgwediva sigo opehala mpoka pwa li pwa ningilwa ethigathano pombuga Yamunyoko bar, molukanda lwaNeshila.

Ngoka a li eya po nedhiladhilo  oshowo omuwiliki  gwethigathano Sem Viera okwa ti oya li ya tala kiihauto mbyoka tayi monika nawa nonkene ya silwa oshimpwiyu oshowo omudhumo gwayo.

Viera moonkundathana nonzonkundaneki ndjika okwa ti okwa li a eta po edhiladhilo ndyoka ewanawa oshoka okwa mono kutya monooli kamu na oositola dhoVolkswagen onkene okwa hala oku ulika kutya oondolopa dhokonooli odhi na oompumbwe dhoongalashe oshowo oositola dhoVolkswagen oshoka omatukutuku gedhina ndyoka ito mana.

Ta gwedhapo ta ti pamukalo gu li ngaaka aahingi yiihauto mbyoka oya li wo ya mono ompito yokutseyathana. A gandja oshiholelwa kutya ngele ya hala okulanda oshitopolwa shoohauto dhawo ngele sha pumba nenge pu na ngoka ke shi wete otaya vulu okupukululathana oshoka oya tungu uukumwe okuza esiku ndoka.

“Omvula ndjika oyo ya li yotango okuninga oshinyangadhalwa shoka , ihe otatu kala hatu shi ningi omvula kehe pethimbo olyo tuu ndika ngele tatu tsakaneke nokutaamba ko Desemba”. 
Viera osho a ti ngaaka.

Ta gwedha po ta ti omvula tayi ya okwa tegelela omaludhi gomadhina galwe ga kuthe ombinga kageshi goVolkswagen, ta kumagidha kutya aahingi yiihauto naya kwate iihauuto yawo nawa noku yi sila oshimpwiyu, opo ya vule ya ka mone ompito yokusindana ngashi naana iihauto mbyoka itatu ya li ya sindana.

Aasindani oya li ya zimbuka nomagano ogendji ngoka ga li ga mangelwa mumwe haga ithanwa “hampers” oshowo okatekete kokuyogitha oohauto dhawo poBar yaMbuga Yamunyoko mpoka pen a ehala lyokuyoga oohauto, taya ka yogitha muDesemba aguhe iikando ayihe ya hala.

Mwene gwehala lyoYamunyoko Abel Iipinge okwa li a gandja omapandulo komahangano ngoka ga li ga iyamba okukwathela ethigathano ndoka li ningwe ngaashi, Distell, Africa Expo “Eno”, R&B Printing shop, Remind Trading cc, Elso oshowo  A-Max trading cc.

“Ondi uvite nawa noonkondo, oshoka ethigathano ndika olyo lyotango monooli ayihe,  nolya tamekela pehala lyandje, edhiladhilo ewanawa nayi, etompelo alihe okuyambulapo omadhina goohauto, nelalakano konima okuhumitha komeho omashingithilo ”. Iipinge ta ti ngaaka.   


New Era Reporter
2018-11-30 12:06:06 18 days ago

Be the first to post a comment...