• December 18th, 2018
Login / Register

Euliko netseyitho lyoalbuma yaGazza Etitano ndika



WINDHOEK-Aihe oyi li pomahala ngele tashi ya petseyitho neuliko lyoalbuma onti-12 yaGazza, Etitano ndika, ndyoka tali ka ningilwa poZoo Park Amphitheatre. 

Gazza ota hiya opo aaholi yoongalo dhomoshilongo naasapoti ye ya holoke mengathithi enene, opo ye ye ya nyanyukwe pamwe, moku ulika noku tseyitha oalbuma ye ndjoka ati oyo yimwe tayi ka kala yadhenga mbanda mefudho ndika twa taalela. 

Gazza okwa tengeneke petseyitho lyoalbuma ye tapu ka kala omainyanyudho ga kwata miiti, nagweyulu otekii pelwa. Poshiindingili mpaka Gazza okwatseyitha tapu ka holoka aahikingalo mboka aanene naashona moshilongo, mpoka Gazza teke ya tseyitha esiku lyoshiindingili. 

Shika osha landula ishewe sho omu imbi nguka ali apititha okangalo ke okatiyali kedhina Hasela, moka ali ta kwathelwa kaa imbi yomoSouth Afrcia ngaashi Professor, MSK, Mr Ruu, Prince naAB Crazy. Ongalo ndjika oyali yadhanwa nawa koyendji mpaka naampeyaka, nonkene yili tayi shi enditha nawa kooradio odhindji dhomoshilongo. 

Omwedhi gwazako Gazza okwali apititha okavidio kongalo ye yotango Chelete. Okavidio kongalo Chelete oka thaanaekwa kehangano limwepo lyoku ninga uuvidio dhingi moshilongo lyOgopa Butterfly, moshilando. 
Ongalo Chelete ndjoka ya ningwa omikwelengendjo ku Same-LE Jones, otayi popi kombinga yo ku konga oshimaliwa, noku longa nuudhiginini.

Oku popya kombinga yoalbuma ye, Gazza okwati oyo yimwe tayi ka kala yina oongalo oombwaanawa noonkondo, moka a imba shoka ali a uvite ethimbo lyoku kwatitha omaimbilo ge. Omaimbilo omakwawo moalbuma okuli ega imba kombinga yiikulumuna mbyoka yili tayi indjipala moshilongo.

Gazza moalbuma ye ndjoka tayi ka pita muuli womasiku omashona okuli alonga naDj Shoza, Pex Africa, Same-Lee Jones osho woo Arrafat, oku etapo omikwelengendjo dhoongalo.

Gazza okwati okuli ishewe a imba pamwe naahikingalo yopondje yoshilongo ngaashi B-Red okuza koNigeria, Episode okuza koGhana, Moonchild okuza koSouth Africa osho woo Natty O  okuza koZimbabwe.


Pinehas Nakaziko
2018-11-30 11:43:33 18 days ago

Be the first to post a comment...

You might also like...