• October 16th, 2019
Login / Register

Geingob a fikifa pexulilo o-UNGA



ONGWEDIVA - Omupresidente Hage Geingob okwa fika pexulilo ekufombinga laye momutumba woiwana hangano –oUnited Nations General Assembly (UNGA) oo wa kala ko oshivike ashishe.   

Geingob mokuxulifa po omutumba ou, okwa pula elongelokumwe pondodo yopombada mokati kovaleli vounyuni opo va longele kumwe oku eta po omakandule po omikundu da taalela ounyuni ngaashi elunduluko longhalo yomhepo, oluhepo nokuhafika pamwe. 

 “Onda itavela kutya apa pe na ekwatelo mo laaveshe ope na oukumwe, naapa pe na okatongotongo, otapa kala oita nomananafano. Onghene itatu dulu okufiya po ovanhu vamwe voo ovo ve na ouhapu woshiwana shomounyuni. Ngeenge ovakainhu novanyasha itava kufa ombinga, nena ohatu kanifa onhapo oyo i na oku tu fikifa keputuko olo li shi okupopiwa,” Geingob ta ti.

Ta weda ko ta ti Namibia okwe litula mo mokutula moilonga etwokumwe-udafano laningilwa moParis, olo li na okuwilika ounyuni mokutaalela omashongo taa di momudingonoko no taa yandje owii konghalo yomhepo.  

Geingob okwa kala yoo meenghunafana nOmuprima waIndia, Narendra Modi, omo ve likunda nova twa kumwe nghene ve na okukoleka omakwatafano opaliko pokati koilongo ivali.  Onga oshilyo shEhangano lovaleli voilongo youkumwe waAfrica omo e li mokakomitee kedina African Union Heads of State Committee of Ten on the Reform of the United Nations Security Council (UNSC), Presidente Geingob okwa ya yoo meenghundafana naJulius Maada Bio  waSierra Leone omo va kundafana oilonga yokakomitie. 

Kakele koku ya meenghundafana nomitwe doilongo novaleli vamwe, Geingob okwa shiva yoo ovaleli veengeshefa mounyuni opo va tale kokuninga omapungulilo opangeshefa moNamibia. 

Ta ti Namibia oshilongo shi na onghalo iwa yomangeshefelo netuliloskepa laWalvis Bay olo la kwatakanifa oishiindalongo ngaashi Botswana, Zambia naZimbabwe kounyuni shaashi oilongo oyo yo kai na ominghulofita naNamibia oku na omakwatafano mawa opaipindi noishiindalongo yaye. Ta ti oilongi oyo nayo hai longifa notai dulu okulongifa etuliloskepa laWalvis Bay onga omuvelo woku pitifa oilongomwa okutwala moilongo yavo oku dilila kondje yomafuta.  


Staff Reporter
2019-10-02 07:41:16 13 days ago

Be the first to post a comment...

You might also like...