• November 19th, 2019
Login / Register

Geingob a kwashilipaleka eitulemo mekandulepo lyoshikukuta


WINDHOEK-Omupresitende gwoshilongo Hage Geingob okwa hokolola kutya elunduluko lyonkalo yombepo olyo lyimwe lyomomashongo ngoka Namibia a taalela  noshillongo oshi li monkugo yin a onkambe.

Okwati kutya eshongo ndyoka enene notali eta uumbanda ngele tashi ya komidhingoloko osho wo uuhupilo waanamibia oyendji mboka ye li kiitopolwa yokuushayi, ashike olya guma Aanamibia ayehe koonono.
Ndhika Geingob okwe dhi thamuna omanga ta hiti oshigongi shoka sha li tashi tambula oshimaliwa  nomakwathelo ganuninwa opoloyeka yoGreen Climate Fund, shoka sha ningilwa mOvenduka ongula yEtiyali lyoshiwike shika .

Ehangano lyedhina Environmental Investment Fund of Namibia, olya gandja oshimaliwa shi thike poomiliona N$85 opo dhi vule oku eta mo omalunduluko ga kola monkalo yombepo.

Okwa hokolola kutya ngashingeyi oshilongo shika osha mona iihuna molwa omuloka gwa nkundipala uule woomvula ntano dha landulathana shono shi li endhindhiliko kutya otu li monkalo ondhigu ngele tashi ya poshikukuta nonkalo yombepo .

Geingob okwe dhi hokolola kutya ngashingeyi aantu ye vulithe po700 000 oya tengenekwa ye li monkalo ndjoka kaye na iikulya ya gwana moshilongo, shoka sha etitha nokuli egandjo lyoshikukuta shomeendelolo, sha etwa kelunduluko lyewangandjo.

“Ngashingeyi ondi li po nokuli nda gandja elombwelo opo ooministeli, omahangano gepangelo noshowo omahangano agehe koonono ga ye mo olunyala opo ya kale ya endele pamwe natse, opo aantu mboka ye li mondjala ya kwathelwe ngaashi tashi vulika,” osho a totha mo shoka.

Okwa ti shoka sha gandjwa ngashingeyi oshi li tashi ulike kutya ope na eyolunyala moshikumungu shelunduluko lyonkalo yombepo shoka, ooprojerka dhika odha tegelelwa okukwathela aakwathelwa ye thike po58,000 mwa kwatelwa aanafaalama aashona noshowo aalongithi yoonzo dhopaushitwe.

Onkene otapu ka totwa oompito dhiilonga dhi li 200 ndhoka tadhi ka kala dhi li unene moshikonga shokuushayi mehumokomesho lyeliko, moongeshefa ooshona dhi li omilongo 36 noshowo miikandjohogololo yi li 33.

Onkene moshikonga shika Namibia oku li a hwama mokulonga neitulomo ngele tashi kokukandula po omikundu dha gumwa konkalo yombepo nokukaleka po uukalinawa waakwashigwana mboka woo ya gumwa konkalo yombepo.


Loide Jason
2019-06-14 12:37:14 5 months ago

Be the first to post a comment...

You might also like...