NKURENKURU – Mueteleli wa naha Hage Geingob ubulela kuli sicaba lusike lwa latehelwa ki pono ya seo buñata bwa bayahi banaha nebaitombolezi bupilo bwa bona. Geingob nabulezi manzwi awo kanako yakutabela lizazi la lindwalume kwa Nkurenkuru viki yefelile. “Namibia naha yeo lubiza kaufela kuli kihae, naha ya lindwalume zabasali ni baana bao mali abona aselaela tukuloho yaluna. Haluswaneli kulatehelwa ki pono yamabaka awo buñata bwa bayahi ba Namibia nebaitombolezi bupilo bwa bona. Neli taba ya swalisano, ni tukuluho. Mwa mazazi afelile neni ikambotile nibanana kuzwelelela kwa sikolo sa Ndama mwa Rundu. Neni bahupulisize kuli bana nikolo mwa litaba zakubupa naha. Nenibabulelezi kuli baswanezi kuikumuseza sizo sabona, kono basike bahupula kuli mushobo wabona ufita yeñwi.”

Kaufela luna luswanezi kubupa naha. Haluswaneli kutumbula mulilo waketululo yamushobo. Litaba zecwalo litisa maswenyeho,” nabulezi. Mueteleli wa naha nabulezi hape kuli tukuluho yanaha netile kateko yepahami, kacwalo haluswaneli kuisinyasinya kakuinga kuli kiyakamita. “Sina ndatahe Namibia nimueteleli walitaba zakubupa sinca naha hana ize luinzi mi lukasiala luna nisikoloti kwa baana ni basali banaha Namibia bane balifile nimali abona kuli ilukululwe. Mi niluna lukumalezi kwa pono yabona kakutisa kozo nizwelopili nituso yasicaba,” nabulezi. Lizazi la Lindwalume mwa Nkurenkuru nelitabezwi kibayahi banaha kuzwelela maneku kaufela, hamoho cwalo nibakwanda naha. “Lindwalume ni lindwakati bao lufa tompo kacenu nebazwile kai ni kai nimwalikiliti kaufela zanaha Namibia. Kono kaufela nebana nimulelo ulimuñwi, wakufetula maikuto abona nikutwelo butuku yabanahabo bona kuba kezo yabundume,” nabulezi.

Mueteleli wa naha nazwezipili kutalusa kuli nihane kubile nimapyeha lindwalume ni lindwakati nesi mapyeha. Nebakeni mwamba yasibatana nikulwanisa puso yalunya nibuhateleli. “Nebaezize cwalo kabubona, kulwanela bana banaha yahabo. Nebaezize cwalo kakuitombola bupilo bwa bona, kusina sene baitekezi. Kona sesipaka lindwalume ni lindwakati zanaha Namibia,” nalemuhile. “Lindwalume ni lindwakati zaluna bao lutabela kacenu nebautwiselize notwahalo yandwa yatukuluho.”