• August 8th, 2020
Login / Register

Ghana a dengwa imwe nopedu kuNamibia



Lasarus Hakwaake
    
EENHANA – Osipana yetanga yaGhana oyo ya shiivika nawa noshilukadina ‘Black Stars oya nwifwa omeva onyango eshi ya dengwa mo imwe nopedu koBrave Warriors. Oudano ou wopambili wa tetekela ekopi loiwana yaAfrica owa danenwa moDubai pokapale ko ebel Ali Centre of Excellence eshi kwa li eespana edi mbali tadi lindjenekele onheka yoiwana yaAfrika tai ka kala kuEgypt odula ei.

Manfred Starke oye a tula mo okoola yaNamibia metatafimbo etivali eshi omukwati  waGhana  Christian Atsu a dopa okukala a dengela etanga kombada yokoola. Ghana okwa tyapula okudana nawa metatafimbo ledingonoko lotete ashike okwa ponya okulongifa eemhito adishe odo kwa li a mona. Omapendafule aNamibia okwa kendabala okulwa fiyo okexulilo eshi va kala nokukelela oiponokela yaJordan Ayew oshoyo Majid Waris ovo ve li va nyika oshiponga ngeenge tashi uya pokufindala nokudana noukeka.

Nonande omunani wospana Kwesi Appiah a kendabala a tale ngeenge enongo taa fe ongobe mokutula mo natango omaulu ape medingonoko etivali, eshi inashi kwafa sha.

Konima ashike yefimbo lixupi medingonoko etivali Ghana okwa ka pewa po opelendi eshi Kwabesa Owusu a indwapo komudani waNamibia mekelenga lomukwati. Mubarak Wakaso okwa dopa okutula mo okoola eshi a denga oshitenda. Mominute 70 Ghana okwa li vali a pewa opelendi, oyo omukwati wa Namibia a kendapala opo ei dengele pondje. Evalulo laxuuninwa Namibia okwa dja mo naimwe omanga Ghana a dja mo nonola yokakangwa. Namibia okwa teelelwa a ka dane mekopi loiwana yaAfrica e li mongudu ya- D omo a taalela Morocco tete, South Africa naCote d’voire. 

Omusholondnod gwaamati yaNamibia mboka taya ka kalela po oshilongo: Ratanda Mbazuvara, Loydt Kazapua, Max Mbaeva, Ryan Nyambe, Larry Horaeb, Denzil Haoseb, Ivan Kamberipa, Charles Hambira, Riaan Hanamub, Ananias Gebhardt, Absalom Iimbondi, Willy Stephanus, Petrus Shitembi, Ronald Ketjijere, Dynamo Fredericks, Marcel Papama, Manfred Starke, Deon Hotto, Itamunua Keimuine, Benson Shilongo, Peter Shalulile, Joslyn Kamatuka naIsaskar Gurirab.


Staff Reporter
2019-06-14 12:44:05 1 years ago

Be the first to post a comment...