• December 8th, 2019
Login / Register

Haku mbutagula iimuna uuna ya lya omapya- aakwashigwana



Victoria Kaapanda 

ONDANGWA - Omukalimo gomomukunnda Onelago mOndangwa Namhuya Valve  Kotokeni okwa kumagidha kehe ngoka taka edhilila iimuna ngele ye ya momapya gawo kaaye yi dhenge, yo kaye yi sithe ondjala.

Kotokeni, moonkundathana naKundana okwa li a gandja omanyenyeto ge kutya  ngele gumwe a edhilile iimuna oshoka oye ya momapya gawo, na ye yi sile oshimpwiyu sigo mwene te ya e yi ile ko, ihe haku dhenga noku yi monitha oshiponga oshoka iimuna nkene yi li oyi na oku enda oshoka oya sa ondjala notayi kongo okulya.

Ta ti iimuna ngele ya edhililwa inayi kandwa yo inayi kala tayi longithwa nayi kale ashike taye yi sile oshimpwiyu noku yi palutha omanga ye yi edhilila.

Kehe ngoka ta ka edhilila iimuna n akale te yi pele ko sha shokulya koshigunda,  oshoka ngele oya sile ko koshigunda shoye ongoye to shi kalelepo”. Kotokeni ta ti ngaaka.
Ta gwedha po ta ti  aakwashigwana oye li ya yemata oshoka iimuna otayi si ondjala, notayi ipalutha ashike nooplasitika momapandaanda.

Kotokeni  okwa gandja oshiholelwa shongombe ye ndjoka ya si omasiku gatano  ga pita ta ti oya adha mo wala ooplastika, oongaku, iikutu  nosho tuu mepunda lyongombe.

Ta kumagidha ta ti aakwashigwana naya kale taya fike ooplastika ngele  taya ekelehi oshowo ya kale taya opaleke omatoto gawo giiyagaya opo iimuna yawo kayi lye we iipolopolo.

“Iimuna ngele y ali iipalastika niikutu mbyoka sho tayi ka galukila  kegumbo, e toyi pe iikulya mbyoka yi na okulya nena ihayi hala we okulya nohayi ka sa ashike kondjala”. Kotokeni ta yelitha.

Kotokeni tat i epangelo nali ninge po sha meendelelo opo ya vule okuhupitha iimuna yawo, oshoka kuAugust hu taku popiwa oko taku ka gandjwa iipalutha yoongombue ke wete taku thiki iimuna iiyamba, ihe otaya kanitha oshindji noonkondo noshi li tashi yemateke.

Aakulupe oyendji oya ikolela miimuna yawo nongele oya kala ya tala iimuna yawo tayi si kondjala otaya kwatwa koombinzi dha londa nokufaalela oomwenyo dhawo.
Ta popi ta ti nonando ye na elalakano lyokulanditha po iimuna yawo omanga inayi sa kondjala kehangano ndyoka hali landitha oonyama tali ithanwa Meatco, inali hala okulanda koshimaliwa oshihwepo.


New Era Reporter
2019-04-26 11:05:39 7 months ago

Be the first to post a comment...

You might also like...