• December 11th, 2019
Login / Register

Handingosho tayi patuluka esiku lyomahogololo - Ndeituntga


Windhoek - Omukuluntu gwopolisi yaNamibia Inspector General Sebastian Ndeitunga okwa indile oshigwana shi kale sha ngungumana noshi na ombili pethimbo lyomahogololo. Aanamibia otaya ka hogolola mEtitatu momahogolololo gopaupresidente osho wo gomutumba gwopashigwana. Okwa ti opolisi itayi ki idhidhimikila nando omayihumbatonayi pethimbo lyomahogololo.

“Opolisi yaNamibia otayi pula aagundjuka Aanamibia naakuluntu yi ihumbate nawa yo yi ikaleke kokule nokutsitsimika aantu pethimbo ndika lya simana lyomahogololo gopaupresidente naangoka gomutumba gwopashigwana nokuya wo monakuyiwa. Namibia osho ashike oshilongo tu na onkene otwa pumbwa oku shi gamena pamukalo gwokukala nombili noku iyutha kooveta,” Ndeitunga ta ti ngaaka ohela.
Okwa li a pula kondandalunde oongundu dhopolitika dhi kwatele komeho aayambidhidhi dhawo nokuya pula ya iyuthe kooveta ethimbo kehe.

“Aaleli yoongundu dhopolitika naya dhilaadhile kutya oye na oshinakugwanithwa shokukondolola nokuwilika aayambidhidhi yawo. Shika otashi vulu okulongekidhwa koosocial media ngaashi oWhatsApp,” ta ti ngaaka.
“Sho tatu ka ya komahogololo mo27 Novemba 2019, aakwashigwana ayehe naya kale ye shi okatendo 21 (1) d kekotampango lyaNamibia, hoka taka gandja uuthemba aantu ya gongale nombili yaa na iilwitho, uuthemba mboka nawu kalekwe po pamukalo ngoka itaawu pitilile waantu yalwe. Onkene aahogololi ayehe otaya indilwa yaa zale omizalo dhoongundu dhawo nenge ye na omandhindhiliko taga ulike kombinga hoka ya gama.

Omukuluntu gwopolisi okwa dhimbulukitha wo Aanamibia kutya kape na ondingosho nenge tayi ka patuluka mEtitatu. “Omaihumbato omawinayi pethimbo lyomahogololo nokonima yomahogololo itaga ka idhidhimikilwa. 


Staff Reporter
2019-11-25 08:25:17 16 days ago

Be the first to post a comment...