• December 8th, 2019
Login / Register

Iimaliwa kayi na olwaala- Omunangeshefa Penny


Victoria Kaapanda

ONGWEDIVA-Omunangeshefa omushona Ismael Awene, a tseyika nawa nedhina Penny okwa ti oshimaliwa ha mono komwedhi osha fa ashike shomulongisikola.

“Ohandi  ende nomapandaanda goondoolopa mbali, Oshakati nOngwediva andi landitha ‘uumaffin, hotdog oshowo drywors,’ ihe oshimaliwa shoka handi gongele osha gwana okukwathela ezimo lyandje oshowo oku ikwatha naashihe nda pumbwa,” Penny osho a ti ngaaka. Penny ngoka ha landitha moombelelwa ooshowo momapandaanda iikulya mbyoka ha taleke ye mwene,  okwa lombwele Kundana kutya onkalamwenyo ye otayi ende lela nawa, unene kombinga yongeshefa oshoka itayi mu pe nando uupyakadhi washa. Ta hokolola kutya oyendji oya kala noku mu yola oshowo oku mu sheka sho ta ende ta landitha iikulya, ihe inashi mu teya omukumo ta ti osha fa ashike she mu pe omukumo oshoka okwa mono oonkondo dh kulanditha  unene, ta ti ye oku shi kutya shoka a hala nenge ta kongo oshike nohe shi mono.

Omulumentu ngoka okwa ti imaliwa kayi na omalwaalwa. Shoka shi na oshilonga okulonga nokumona  ondjambi yoku ikwatha ngoye mwene. “Natu hulithe po oku egamena nokutegelela epangelo lyi tu pe mokana, natu thikameni tu longeni tu kwathele uunona wetu natse yene, nonando owu na onzapo ihe ino mona iilonga thikama ee to kambadhala nakehe shoka to vulu okulonga opo wu mone sha shokulya,”Penny ta kumagidha.

Ta gwedha po ngele ope na ngoka ta vulu oku mu kwatha nomashina gokumbaka iikulya ye, ota pandula noonkondo, oshoka oha vulu nookuteleka iituthi ya yooloka ihe oha shunithwa monima kiilongitho mbyoka kee na. Ta ti ota vulu okumonika konomola 081 8415 259.


Staff Reporter
2019-09-16 09:05:20 2 months ago

Be the first to post a comment...