• September 27th, 2020
Login / Register

Iiponga yoCovid-19 ya londa ishewe



Moshilongo ngashiingeyi omwa lopotwa ishewe iiponga yoCovid-19 iyali, sho omulumentu nomukiintu ya konaakonwa e taya monika omukithi ngoka, shoka osha li sha tseyithwa kuminista gUuhaku nuundjolowele Kalumbi Shangula.

Shanghula okwa tseyitha ngaaka ongula yEtiyali pethimbo ndyoka a li ta gandja omulombo kombinga yomukithi ngoka tagu li aantu muuyuni.
Okwa hokolola wo kutya kakele kaamboka ya kwatwa, ope na woo Aanamibia yaali aahingi yomatalaka mboka ya monika ombuto ndjoka moshishiindalongo Botswana, noye li aakalimo yomondoolopa yaGobabis.

Gumwe gwomaahingi mboka ke na nande ondjokononona yoku za mo mondoolopa ndjoka naasho a monika ombuto ndjoka okwa li a shunithwa kondoolopa ndjoka, moka e li a ikalekelwa ngashiingeyi.
Omanga aniwa omuhingi omukwawo okwa li a ka tala eloli lye kondoolopa yaMbaye nokuza mpoka okwa li a yi koBotswana hoka woo a li a monika omukithi ngoka e ta shunithwa ko wo koshilongo ngashiingeyi naye woo oku li  mehala lyokwiikalekelwa mondoolopa yaGobabis.
“Oonkalo dhaahingi yomaloli adhihe otadhi etitha omeya noye li lela monkalo ombwaanawa noya ikalekelwa,” osho a hokolola ngaaka.
Okwa totha mo kutya oshipotha oshi-33 oshomulumentu Omunamibia ngoka woo e na uukwashigwana waSouth Africa, ngoka  a thiki moshilongo muJuni 12, okwa li a tokola oongamba e te ya moshilandopangelo  moka a li a ikalekelwa  okuza momasiku June14.

“Omulumentu ngoka okwa li a konaakonwa,  nomakonaakono ngoka sho ga zi mo oga ulike kutya oku na ombuto ndjoka. Ka li e na nande omandhindhiliko gasha, ashike ngashiingeyi mpoka a enda apuhe otapu konaakonwa,” osho Shangula a hokolola ngaaka.
Okwa ti kutya oshipotha oshi-34, ooshoka shomukiintu gwomimvo 39 ngoka e li omunambelewa ha ungaunga naanandholongo gwokOmbaye, nokwali  a monika omukithi ngoka, nokwe gu mono oshoka okwa li ta longo pamwe nomukiintu ngoka a monika nale omukithi ngoka e li oshiponga oshi-32 moshilongo.

Omukiintu nguka okwa monika sho a ulike omandhindhiliko ngoka ngaashi gekulu,  ta ehama omutse noshowo  a kanitha ezimba nomulyo gwiikulya.
“Okwa li a talele po ndohotola gwe gwopaumwene e ta  konaakonwa  nokwa li a taambelwa moshipangelo shomaikalekelo nonkalo ye otayi etitha oonkondo. Ke na ondjokonona yokweenda kondje yoshilongo, onkene etaaambathano ndika olyomoshitopolwa,” osho a hokolola ngaaka.


Loide Jason
2020-06-17 09:21:56 3 months ago

Be the first to post a comment...

You might also like...