• June 17th, 2019
Login / Register

India nokwoole kwe kwoshipa oshitokele



Neha Mishra naRonald Hall 

“Natu yagiiko oshipa shono oshiluudhe” okakoolasa moosalona nomamahala gokutuntwa mo moIndia, moka uunona wuukadhona hawu koko neitaalo nokudhimbulukithwa kutya oshipa oshitokele oshiwanawa. 


Okuza tuu komatseyitho gomiifo gomosoondaha taga tanga omuntu e na uukwatya wokuhombolwa e na onzapo yoMBA, omuntu e na omuthika gwo 5,5ft nolutu lwopokati. Olwaalwa  oluyelele sigo okoomeme taya kumagidha aagundjuka opo ya gwaye oosaffron opo ya kaleke po oshipa oshitokele sha thethengana nawa,” omandhindhiloiko oge li apehe. Nomaiyuvo ngaashi, “Oku na elago a hokanwa nando oku na oshipa oshiluudhe,” ogo gamwe gomomatumbulo haga nongonwa moIndia sigo omo2017.


Epipi egundjuka olya tameka oku ikanyuna omaitaalo ngaka. Momasiku 17 July, omunamimvo 18 Alanya Johar okwa li a nyanyangidha okavidio koBrown Girls Guide to Beauty koYoutube. Okavidio, hoka ke li molupe lwokatewo ke na omikweyo dha tsa ngaashi “dhimbwa uutokele tootootoo/ kunda koshipa oshiluudhe shochokolate/ otandi shanga ehokololo yandje ngame mwene,” oka li ka yi omukungu nomeya, noka li ka talika kaantu ye li oomiliona 1,5 mesiku lyotango alike.


Etukumuno ndika lya yaga kegonga lyaJohar olye ya komeho gwomudhani gwiinyandwa moBollywood Nawazuddin Siddiqui ngoka a li a longitha otwitter okulundila oshimpungu shokuninga uufeelema shaIndia kutya oshi na omuthigululwakalo nonkalo yokatongotongo kopalwaala. 


Omushangwa gwe ogwa li gwa popi kombinga yomudhani gwiinyandwa omukiintu Tannishtha Chatterjee, ngoka a li a pangulwa iipundjamenye kotv mo2016. Nonando Aaindia oyendji natango ye li yi idhimbika okatongotongo kopalwaalwa, onkalo ndjika yoshilongo sha kanyatela olwaala olutokele otayi vulu okukala ohahu. 


Moomvula ndhika, uumbanda woshipa oshiluudhe noshindjimbi owa eta wo aanasikola Aafrica ya kale ya ningilwe omiyonena. Omolwashike Aaindia ye tonde oshipa shawo ngaaka?
Ondjokonona yaIndia otayi gandja omayamukulo gamwepo. Methimbo alihe lyondjokonona yonalenale osho wo yanakanena, oshitopolwa shaIndia osha kala kohi yaakwiilongo osho wo aashingithi Aaeuropa, mwa kwatelwa oomvula dhethethelemumvo 15 sigo 17, Aaputu, Aaholland osho wo Aafrance. 


Oshitopolwa shika osha li sha ponokelwa nosha li shi li kohi yelelo lyoMughala moomvula dhethelemumvo eti-16, nosha li sha kolonyekwa kuBritain okuza methelemvo eti-17th sigo oompoka sha mono emanguluko lyasho mo1947. Aatalelipo ayehe mbaka aakwiilongo oya li ye li ye na iipa iitokele, noyendji oya li ya ti oya ti oya nkondopala minima ayihe.


Sho ya kala nokulelwa kaatiligane osha kala noku kwatakanitha oshipa oshitiligane noonkondo, omithika dhopankalathano osho wo okuhalika mokati kaaIndia. Monena, oshipa oshindjimbi oshi tondike kaaleli osho wo aalelwa, notashi ningwa ethindilomo kehe esiku kiipeko yoomangazine ndhoka hadhi kala konyala aluhe dhi na oshipa oshitokele. 


Osha kala uudhigu womuntu omuluudhe moshilongo shika shaa na aatoklele oyendji okukala sha hala nokutaamba ko efatululo lyuuwanawa wokolutu woshitiligane, naantu oyendji mboka aahwahwameki ye li ompinge nuukoloni inaya vula oku shi lundulula. Shi ikwatelella

komapekaapeko ga ningwa mo2013 sigo 2016, oopelesenda 70 dhaakaiintu ye li 300 naalumentu mboka ya li ya ningilwa omapulaapulo oya li ya lopotwa ya yamukula kutya oya hala okukala muukuume wopaihulo nomuntu e na oshipa oshiyelele.
Okatongo kopalwaala haka otaka lundula Aaindia oyendji ya yeleke iipa iipa yawo, shoka sha eta shoka tashi ithanwa taku ti  ‘bleaching syndrome’. Bleaching syndrome kayi sha nomoonde ndjoka yi li koontundulu, omukalo gwokuhengumukila mumwe shoka sha talika ko kutya osho oshinima shi na oonkondo moka mwa talika kutya oshipa oshiyelele oshihwepo, oshi na oonkondo, noshaanawa. Sho kashi li ashike moIndia. Okwiikutha olwaala huka oku li miilongo oyindji yaAfrica osho wo yaAsia.


Staff Reporter
2018-12-14 15:55:03 6 months ago

Be the first to post a comment...