• September 22nd, 2020
Login / Register

Irimari okwa nyanyukilwa eepate wekondjitho lyomapeya


Malakia Nashongo
    
Ngoloneya gwoshitukulwa Oshana Elia Irimari okwa nyanyukilwa uutauwa mboka tawu kokolwa onga onkendambala yoku lwitha omapeya ngoka ga ningi ethimbo taga pi momahala ga yooloka moshitopolwa.

Uupate mboka owa li wa kokolwa po palongelokumwe pokati kombelewa ye, nuuministeli gwuunamapya, omeya omakuti moshitopolwa shaShana. 
Etokolo olyali lya ningwa kuyele omumvo nguka kutya naku ningwe iitauwa komahala guulithilo, opo ku kandekwe etaandelo lyimilolo dhepeya ndhoka hadhi hanagula po uushitwe. “Ondi uvite uuntsa sho tandi thika mpaka nena konima yoomwedhi hamao, sho diwete uutauwa mboka wa taulula momakuti wa longwa nawa. Uutauwa mbuka uunene nawa, wo ishewe owa longekidhwa nomukalo ngoka; ngele ombinga yimwe yokuti ya kwata omulilo itagu vulu okutaaguluka gu ye kombinga onkwao,” Irimari ta ti ngaaka nenyanyu. 

Ashike Ngoloneya okwa okwa holola eyeme lye omolwa aakwashigwana mboka natango taya tete po omiti ta ti oshinima shika otashi eta embugapalo. Irimari ta gwedha po ta ti eyonagulo lyuushutwe pakuudha oshinima tashi piyaganeke, onkene okwa pula opo uuministele gwomeya netendululo lyomavi –koshikondo shomaluhwa nomithitu opo gu tale oshinima shika nuukeka, nonomeho omanene. 
Uupate mboka wa ninga omapola mokuti, otagu adhika unene komahala guulithilo ngaashi kokandjohogololo shKatjali, Uuvudhiya nOmpundja.
*Malakia Nashongo oye omunambelewa gwokuandjaka uuyelele kuuministeli gwuuyelele nomakwatathano gopaungomba mombelewa yopashitopolwa 
mOshakati 


Staff Reporter
2020-08-27 09:37:31 26 days ago

Be the first to post a comment...