• November 14th, 2019
Login / Register

Jambulu Erastus a manga ovanahambo komaludi kOkongo


OKONGO – Oshitufi sheengobe tadi dana osha yeululwa kuPeya Mushelenga, Minista woilando neyambulepo lomikunda koshi yoshipalanyole “oku kalekapo ounamapya nounaimuna, oo omwenyo womufyuululwakalo wetu.”Oshitufi eshi oshitivali  okwa didilikwa kutya omufyuululwakalo  otau eta ekulo leliko moshitukulwa. 
Mushelenga okwa popya kutya, haalushe omunhu a pumbwa ondokotola ile, hahende ile otuwa, ashike mokukalamwenyo omunhu ita dulu okukala ina pumbwa oikulya. Onghee ounamapya nounaimuna oo oshinima shafimana mounyuni aushe okukaleka po eendja da wana  moshilongo nomounyuni ashishe kolondo. Okwa popya kutya ounamapya ohau weda epelesenda 3.8 keliko loshilongo nOvanamibia ve fike 70% ohava xupu mounamapya nounaimuna.
Okwa ulika vali kutya ovanafaalama vokoulifilo waaveshe ohava dana onghandangala inene mokuxumifa komesho oitopolwa yokomikunda, paku shunifa pedu oluhepo, okuhe na oilonga oshoyo okuha fika pamwe, opo va dule okufika pomufika wounafaalama  womalandifilo opaunyuni. Okwa didilikwa kutya nonande shihapu sha ningwa po mounamapya oku eta eemhipo doilonga, oku shunifa pedu oluhepo, ovanafaalama vokedu laaveshe ove li natango onga ovanhu va dinwa ngeenge tashi uya pamalandifilo oimuna yavo ile oilikolomwa ikwao pamufika wopombada. Otati kutya ounghundi ou owe yapo omolwa omhito yapatekena yovanafaalama moku mona mona edu la wana, oshoyo oikwa noipangifo oyo tai dulu oku va kwafa.
Okwa indila ovaanafalama ovanangeshefa va  vatela nova yandje omayele avo kutya otava yambidida ngahelipi ovanafaalama vokedu laaveshe opo navo veuye momangeshefelo opaunyuni. Ovena oku paafana omauyelele kombinga yomikalo doshinanena dounamapya odo tadi vapitike va mone omakwafo okudja keembanga domakwafelo oiniwe. Okwa kumika ovanafaalama vokedu laaveshe ve li pakemo noku longa noudiinini fiyo taya yambulapo omalandifilo avo aye pombada.
Shimwe vali sha ningwa po osho omaludi apa ovanahambo va dja moAngola, moKavango oshoyo mOhangwena va ludika eengobe davo opo ku talwe ovo va lifa nova ondola eenghwadabi. Eehove opo dali shili odo tadi twiya ovapanguli, ashike shoneudo okwa li sha etelela, Shipila ou dengele ovanahambo vakwao odula yadjako osho a dengwamo. Odula ei epapa lotete olaya naJambulu Erastus okudja mOruseva mOshikadjohololo shaKavango Uninginino omanga epapa etivali netitatu laya na Alfeus Ndjiba okudja kEpalala moAngola.  


Staff Reporter
2019-05-31 11:36:23 5 months ago

Be the first to post a comment...

You might also like...