• March 29th, 2020
Login / Register

Jericho momhangu molwoungangala



ONGWEDIVA- Omushikingalo dingi a shivika nawa ena nepapa nepapa lomushikingalo wokomudo  Jericho Jerome Gawanab okwa holoka momhangulilo yaMangestalata moKaribib molwa oulunga womunyeka a homatiwa.

Eshi a holoka momhangu yaMangestalata waKaribib, Jericho namukwao umwe ova pewa opo ve li fitile mo modolongo noshimaliwa shi fike poN$5000.

Omushangwa wopolifi wa dja komukwatakanifi koshikondo shoku konaakona oimbuluma, Deputy Commissioner Erastus Iikuyu otau ti, mEtitatu loshivike eshi, Jericho nambushe vati moulunga, Innes Uirab, 26, ova ponokela omukwaita wo Namibian Defence Force ndele tave mu nyeke oinima yaye. 
Otaku hokololwa ovalumenhu ava vavali va ponokela noku nyeka omukwaita eecellphona mbali di na ongushu yoN$7000, noshimaliwa shoN$300 keemuma pefimbo va li va pula opo ngeno va pewe olefa komukwaita oo. 

Oshiningwanima eshi osha ningwa oshivike sha dja ko kodoolopa yaKaribib koo oko kwa lwopotelwa shibofa. 

Eshi va holoka momhangu, ovalumenhu ava kava li va pulwa vatye ko sha koimbuluma oyo tava tamanekelwa, na keshe umwe okwa pewa eli futile mo noN$5000. 
Oshibofa osha undulilwa komafiku 04 Maalitsa, opo va pewe omhito yoku li kongela ovakalelipo vopaveta nomakonaakono opolifi a twikile nawa. 


Staff Reporter
2020-02-21 13:06:22 1 months ago

Be the first to post a comment...