• November 19th, 2019
Login / Register

Kaaronda a shuna omutse miipeta momahogololo gonuumvo



WINDHOEK- Omukalelipo gwehangano lyaaniilonga Evilastus Kaaronda okwa li a ti shilindi manga koompangela dhoku ka kutha ombinga momahogololo gopaupresidente osho wo gomutumba gwopashigwana ngoka taga ka kala ko nuumvo, ta ti omu na iinyandwa oyindji. Kaaronda ta ti yo ngashiingeyi otaya ki ilongekidha, opo sho omahogololo ngoka gopashitopolwa go2020 taga ka thika otaya adhika ya pyakudhukwa. Shika okwa li e shi popi sho a li a yi moonkundathana pangodhi noshikundaneki shoNew Era mEtitatu.

MuJuni, Kaaronda okwa li a toto po ongundu ye yopolitika yedhina POWER ndjoka ya li yi na okukutha ombinga momahogololo ngaka. Ta ti ongundu ye otayi ka kandula po omaupyakadhi moshilongo ngaashi okuyaka nokudhengela ondhi peho, okwaa na iilonga osho wo evi li li momake gaakwiilongo, ashike ngashiingeyi okwa shuna monima. “Itandi ki itula muuthethe mbuka twa mono koshitaasi shotv yopashigwana. Otwa li twa ningi etokolo tu kuthe ombinga momahogololo gopashitopolwa omvula tayi ya oshoka katu na iimaliwa yokuhepitha. Osha yela nale kutya omahogololo oga sindanwa nale manga aantu inaya hogolola. Opwa fa nale pe na omusindani oshoka omashina gokuhogolola oga kana,” ta fatulula ngaaka.

“Otwa luka iinima oyindji otayi ka kala pomahala ashike natango iinyandwa onkene ngaa tayi tsikile, kashi na sho tashi kwatha okukutha ombinga momahogololo.

Otwa gwanitha po iipumbiwa ayihe noonzo otu na ashike otatu ke yi longitha momahogololo gomumvo tagu ya.” ta ti ngaaka.


Loide Jason
2019-10-31 07:49:43 19 days ago

Be the first to post a comment...

You might also like...