• November 16th, 2019
Login / Register

Kandi vule oveta oonkondo - Mushelenga



WINDHOEK – Ominista yi na sha nomayambulepo goondoolopa niitopolwa yokuushayi Peya Mushelenga okwa li a lombwele Fillemon Shuumbwa Nangolo ta ti ye ke vule oveta oonkondo nota ka vulu ashike okulonga meni lyoongamba dhoveta, oshoka okwa gana okugamena ekotampango noompango dhoshilongo.

Mushelenga okwa li a popi ndhika konima sho ohahende Elize Angula, ndjoka yi li gumwe gwomaayambidhdi yaShuumbwa a li a pe Mushelenga sigo Omaandaha opo Shuumbwa a pewe oonkondo paveta onga oye omukwaniilwa gwelelo lyAndonga.
Angula, pethimbo a li ta popi ondjila yonakuyiwa poshigongi shoka sha li sha ningilwa mOndangwa Trade Fair Center mOlyomakaya ga za ko okwa ti ngele Mushelenga okwa ndopa okutaamba ko Shuumbwa onga Omukwaniilwa gwaNdonga nena osha hala kutya oonkalangongo otadhi kala pokati kaayambidhi yaShuumbwa naMushelenga ndele kadhi shi pokati koongundu ndhika tadhi nanathana ngaashi osho shi li paife.

Ashike Mushelenga sho a li ta popi noshifukundaneki oshimwayina naashika shoNew Era mEtiyali okwa ti okwe ya lombwela mOmaandha kutya ondjila yoku ulika omuleli oyi li mewiliko lyoompango dhopamuthigululwakalo naandhoka dhopaveta.
“Ooveta adhihe mbali nadhi talike. Okatendo 5 (1) kOveta yomalelo gopamuthigululwakalo, oka-25 ko2000 ndjoka tayi gandja oonkondo kominista yi pitithe eindilo lyomutse gwelelo lyopamuthigululwakalo, shoka tashi tsu kumwe nokatatatendo 5(1).

Okatatatendo 5(1)otaka gandja eindilo lyi ningwe koveta yomalelo gopamithigululwakalo,” osho a fatulula.
“Minista naye omo e li moshipotha onkene ita ka vula ashike okutsikila  noshipotha inaashi pwa shi li kompangu yopombanda,” ta ti ngaaka.

“Onda tseyithila oshigwana shAandonga mEtiyali kutya onda nyolela ohahende onkuluntu yepangelo momasiku 23 Apilili, 2019, onkene ngashingeyi otwa tegelela omayele ge,” ta gwedha po ngaaka.

Sha landula eso lyomukwaniilwa Immanuel Kauluma Elifas muMaalitsa, Aandonga oya kala ye na Aakwaniilwa yaali konima sho oongundu mbali kehe yimwe ya langeke omukwaniilwa gwayo. Shuumbwa Nangolo okwa li a langekwa kuyamwe pegumbo lye pOnambango omanga Konis Eino Kalenga a li wo a langekwa esiku ndyoka kuyamwepo onga omukwaniilwa.


Kuzeeko Tjitemisa
2019-05-24 11:06:52 5 months ago

Be the first to post a comment...

You might also like...