• November 19th, 2019
Login / Register

Kehe gumwe ota vulu oku kuna iiyimati –omunafaalama ta ti



Victoria Kaapanda

ONGWEDIVA-Iiyimati niimeno ihayi kunwa ashike kaatiligane ngaashi oyendji ya itala. Dhoka odha popiwa kumunafaala gwiiyimati Frieda Shekupe Shetunyenge.

Shetunyenge a yambukile kUukwaludhi okwati oku na oshikukino shiiyamati ngaashi omahapela, omalemune, omasilemune, ugalanadila, omakwava, omamemngo, omatama, omabanana, ondungu oonyanga, omiti dhomi zile, omoringa oshowo oshimeno tashi ithanwa eggplant.
Oshikunino she oshili momukunda Ombadhiya moTsandi. Ta ti oshimeno shoka sho eggplant ohashi vulu wo okupanga iikwayuha uunayina uupuka momandjandja.

“Oyendji oya itala kutya iiyimati ngaashi omahapela no malemune ihaga kunwa kaaludhe, ihe okaatiligane ashike. Shoka epukitho moshigwana, ngame ondishi okushikwashilipaleka oshoka oshikunino shandje, iyiimati oyindi ondeyi kunamo onda kolota ashike okapichaa” Shetunyenge ati ngaaka.

Ta hokolola ta ti oshikunino she okwali eshi totopo 2010, konima sho a li a dhimbulula  kutya ita vulu oku mona ihuna omanga e na oonyala nomadhiladhilo e ga pewa oshali, konima sho a ndopa okumana eyilongo lye.

Ta ti okwali a tameke ta kunu oonti dhoshiyimati kehe tali, dhoka hadhi kwata ashike omasiku ngele ogendji ga heyali, dho odha tsipuka mo mevi. Okwali a tameke oku tsika muundini Uushona wokunwina nokulanditha koondola ntano.

Shetunyenge ta ti Ongeshefa ye osho ya tameke ngaaka, sigo ya koko. Nena omiti dhiiyimati niimeno ye oheyi landitha koN$20 kehe mukamwe. Ongeshefa ye otayi ende lela nawa.

Okwali a fatulula ta ti oyendji iha yeshi itaala ngele ta popi kutya omiti dhomahapela nomalemune ohadhi vulu oku tulu ko iiyimati. Tati nuumvo okwa kanitha omuti gomalemuno ngoka gwali gwa tula ko omalemune tag aliwa ashike ogwa sipo oshoka ohagu pula omeya ogendji nookondo.

Ta ti omiti dhoka ohadhi pula oomvula dha thika puheya okutula ko iiyimati, ina dhifa omiikwava nomamango ngoka haga tulako omvula kehe.

Dho odhina oomwedhi moka hadhi ngaashi oku tameka muAguste sigo Desemba.
Shoka sha pumbiwa oonkondo neyitulemo, iiyimati oku yi eta po kayi na nando uudhigu.
Shetunyenge okwati nonande omvula ndjoka oyo a kala a inekela muyo ka kwali ya loko nawa omvula ya zi ko, ka kwali she muteya omukumo oku tsikila iilonga ye yomoshikunino, okwa kala ta tekele iiyimati niimeno ye sigo ya koko. 


 


Staff Reporter
2019-11-04 08:11:42 15 days ago

Be the first to post a comment...

You might also like...