• April 25th, 2019
Login / Register

King Tee Dee a ekele po 'One I Love'



WINDHOEK-Martin Morocky ngoka a li alundulula edhina lye okuza kuThe Dogg opo a ninge King Tee Dee, ota pititha ongalo ye yotango kohi yedhina King Tee Dee mOsoondaha ndjika, yedhina One I Love. 
Ongalo ndjika tayi popi kombinga yohole, otayi pitithwa komapandja ngoka haga landitha oongalo koIntaneta ngaashi iTunes, Amazon noYou Tube.

King Tee Dee okwa imba ongalo ndjika pamwe nomwiimbi Omutanzania gwedhina Diamond Platnumz, ngoka e li a gwedha mo oshitalenti she shokwiimba shi na ewi lyoshingoli.

King Tee Dee okwa tseyitha kutya ndjika oyo ongalo yimwe tayi ka kala ya dhenga mbanda, nokwa tseyithile aaholi yoongalo dhe opo ya kale yi ilongekidhila uuwanawa wongalo ndjika.

Omasiku ngaka King Tee Dee oku li ta tula uuvidio komapandja ge gokomalungula moka aasopoti ye sho taya imbi okangalo hoka, manga inaaka pita pambelewa mOsoondaha.  

Kombinga kutya oshike a imba pamwe naDiamond, King Tee Dee okwa ti Diamond oye omuhikingalo ngoka omunongo, noku na oshitalenti shaahikingalo yopondje yoshilongo.

Shika okwe shi ningi nelalakano opo a fale oongalo dhe pondje yoshilongo. Diamond oye ishewe omuhikingalo ngoka a li a imbi poshiithanene shahugunina shaKing Tee Dee onga oye The Dogg.

Oyendji oya tseya King Tee Dee sho a kala nokwiimba onga oye The Dogg nokwa ka kala noku sindana omakopi ogendji onga omwiimbi dhingi moshilongo, nokukala omukalelipo guuministili wuundjolowele, okutaandelitha oshikonga shokukenkwa.


Pinehas Nakaziko
2019-02-08 13:23:21 2 months ago

Be the first to post a comment...